VOV4.Xơ Đăng - A Hà Nội nếo po Rôh hôp troăng hơlâ tơnêi têa ƀă droh rơtăm ai inâi ‘’Hnê cheăng pêi ăm droh rơtăm’’. Hneăng hôp kố cho vâ mơnhên tối ‘na tơdroăng, tối tơbleăng tơdroăng ki ai khât ăm Vi ƀan ƀă mâu kơ koan dêi Kuô̆k hô̆i pâ thế Kuô̆k hô̆i, Chin phuh mâu troăng hơlâ hnê cheăng pêi ăm droh rơtăm tơtro ƀă tơdroăng nôkố. A rôh hôp, pôa Trần Thanh Mẫn, kăn xiâm phŏ hnê ngăn Kuô̆k hô̆i pơkâ thế: tung tơdroăng ki pơkâ mơ’no dêi droh rơtăm, mâu kơ koan hriăn ngăn, pâ thế ƀă Kuô̆k hô̆i, Chin phuh pơkâ mâu troăng hơlâ teăm tơdrêng tŏng kum mâu tơdroăng ki xơpá, mâu troăng hơlâ ki kal vâ mơdêk tơdroăng ki hnê cheăng pêi ăm droh rơtăm.

Hneăng hôp, khu droh rơtăm tối ‘na tơdroăng púi vâ, pâ thế ƀă mâu kơ koan tơnêi têa ‘na tơdroăng cheăng hnê cheăng pêi ăm mâu droh rơtăm. Ing mê, kum mâu kơ koan khu râ pơkuâ cheăng ‘nâi plĕng mâu tơdroăng tơleăng mơnhên tơdroăng cheăng pêi, veăng ‘no hnoăng mơdêk hnê plĕng dêi mâu droh rơtăm ƀă tâi tâng kuăn pơlê ‘na luât pơkâ tŏng kum hnê cheăng pêi. Ngoh Nguyễn Tường Lâm, Kăn hnê ngăn tíu xiâm Đoân Droh rơtăm Kŏng sản Hồ Chí Minh ăm ‘nâi, ing hên khu droh rơtăm tơbleăng mâu tơdroăng hnê tối ing tơdroăng ai khât  tung pơla hnê hriâm cheăng pêi ăm mâu droh rơtăm, tăng cheăng pêi tơ-brê klêi hnê hriâm:

‘’Ngin rah xo 150 ngế droh rơtăm tung mê ai tá mâu droh rơtăm ki kal cheăng pêi, mâu droh rơtăm pro kŏng nhân, mâu droh rơtăm thôn pơlê, mâu ngế hiăng klêi pro Mố đo#i, mâu droh rơtăm dêi mâu kơpong. Pakĭng mê, ngin ai krếo la mơngế ki xúa mâu ngế vâ pêi cheăng, droh rơtăm pơxiâm pêi cheăng mơjiâng tơdroăng tơkêa bro droh rơtăm tăng cheăng pêi ăm mâu ngế ki ê... Nôkố mâu vâi pú xuân hiăng hbrâ mâu tơdroăng vâ tối ’’.

Hôp tơbleăng hdrối vâ po hneăng hôp tơpui tơdroăng to\ng kum dêi tơnêi têa ‘na droh rơtăm Việt Nam

Mâu đoân viên, droh rơtăm xuân hiăng tối mâu tơdroăng xơpá, tơvâ tơvân tung hnê cheăng pêi ƀă tăng cheăng pêi klêi hnê hriâm cheăng pêi ăm mâu droh rơtăm thôn pơlê, droh rơtăm kuăn ngo, droh rơtăm chó chêng tơvê kŏng, mâu rơtăm hiăng klêi bro Mố đô#i. Tối mâu tơdroăng tŏng kum tơ’lêi hlâu ăm mâu droh rơtăm tăng cheăng pêi ƀă châ hnê cheăng pêi tơtro ƀă ivá tơná.

Tiâ mâu tơdroăng tô tuăn dêi mâu droh rơtăm ‘na tơdroăng hnê cheăng pêi xúa kơmăi kơmok ki dâi le\m, pôa Trương Anh Dũng, Ngế xiâm ngăn hnê cheăng pêi (ối tung Khu xiâm ngăn cheăng pêi Mố đô̆i tro rong ƀă rêh ối pơlê pơla) ăm ‘nâi: Nôkố Chin phuh hiăng pơkâ mơnhông mơdêk mâu hngêi trung hnê tơ-brê. Tiô tối hdrối, hơnăm 2025 ai 70 toăng hngêi ki tơ-[rê 135 kơvâ cheăng ki kal rêm râ, tung mê tơku\m mâu kơvâ cheăng tơdjâk troh tơdroăng cheăng xúa kơmăi kơmok ki dâi le\m.

Pơla hdrối kố nah, Khu xiâm hiăng tí tăng ‘nâi ple\ng [ă Chin phuh hiăng ăm phêp pơ’lêh mâu tơdroăng hnê mơhno dêi mâu kong têa mơnhông mơdêk vâ hnê  hriâm, ăm tơdâng tơ’mô. Nôkố dế tơbleăng 12 tơdroăng mơnúa dêi Úc, [ă 25 tơdroăng mơnúa pêi pro dêi Alơmăng. Chin phuh Ngế pro xiâm hnê ngăn Chin phuh hiăng pơkâ troăng rơhlâ [ă hnê cheăng pêi ăm hok tro, sinh viên klêi hriâm rêm râ. Nôkố hiăng ai kơmăi rah xo hngêi trung cheăng pêi [ă hnê cheăng pêi, clip hnê cheăng pêi inhên tâ:

‘’Pơkâ [ă kơvâ cheăng ai tơdroăng kal vâ hên mâu tíu hnê cheăng pêi kô mơjiâng tơdroăng tơkêa bro, ăm phêp mơnúa hnê. Paki\ng mê, Chin phuh nếo ki\ pơkâ tơdroăng tơkêa bro pơ’lêh kơxo# tung hnê cheăng pêi, 4 tơdroăng pơkâ tung tơdroăng tơkêa bro kô châ tơbleăng tung la ngiâ tơdjâk troh hbrâ kơxo#, mơjiâng tơmeăm khoăng vâ mơjiâng hngêi trăng, mơjiâng tơdroăng hriâm pro tơmeăm khoăng’’.

Ing tơdroăng pâ thế, tối dêi mâu droh rơtăm a hneăng hôp, pôa Trần Thanh Mẫn, Kăn xiâm pho\ hnê ngăn Kuo#k ho#i pơkâ thế mâu kơ koan Kuo#k ho#i, Chin phuh, mâu khu xiâm, kơvâ cheăng xiâm tơnêi têa, kong pơlê tí tăng ‘nâi ple\ng  [ă ai mâu troăng rơhlâ pêi tơbrê, pơ’lêh mâu tơdroăng tơche\ng tơmiât, rơkong tơpui tối chiâng pêi pro, vâ mơdêk tơ-[rê mơngế cheăng, ivá tơdroăng cheăng pêi ki tơ-[rê, mơnhông cheăng kâ, ivá tơbriât cheăng dêi tơnêi têa.

Pôa Trần Thanh Mẫn pơkâ thế:

 ’’Vi [an ngăn mơhno túa le\m tro, Hnê hriâm dêi Kuo#k ho#i, Khu xiâm ngăn cheăng pêi – Mố đo#i rong [ă pơlê pơla [ă Vi [an tơnêi têa ‘na Droh rơtăm Việt Nam pơtối tơru\m krá, tơbleăng pêi tro [ă tơbleăng pêi tro [ă séa ngăn nhên ‘na hnê cheăng pêi ăm mâu droh rơtăm; paki\ng mê tí tăng ‘nâi ple\ng, tối, pâ thế [ă Kuo#k ho#i. Chin phuh pơkâ  mâu troăng rơhlâ pêi pro teăm tơdrêng lêi tah xơpá, mâu luât pơkâ tơ-[rê vâ mơdêk hnê cheăng pêi ăm mâu droh rơtăm rơtế [ă tơdroăng ‘mâi mơnhông [ă mơdêk cheăng kâ–rêh ối pơlê pơla tơnêi têa’’.

A hneăng hôp, pôa Vũ Đức Đam, Ngế pro xiâm hnê ngăn tơnêi têa tối nhên, teăng mâ Khu xiâm ngăn cheăng pêi hiăng tiâ mơnhên mâu tơdroăng tô tuăn dêi mâu droh rơtăm, la Khu xiâm kal tơru\m [ă mâu kơvâ cheăng tơdjâk troh troăng rơhlâ tơbleăng tơdroăng pêi pro. Ngế pro xiâm pho\ hnê ngăn tơnêi têa tối tiah kố, [ă droh rơtăm, pak^ng mâu tơdroăng cheăng kal hriâm tơ’nôm ‘na tơdroăng vâ mâu droh rơtăm vâ veăng ‘no hnoăng hên tâ nếo.

VOV1

Gương tơplôu [ă tơbleăng