Tung khế Tŏng kum mơngế hliăng tiâ pá puât hơnăm 2024, ki má môi sap ing hâi lơ 8/5 troh hâi lơ 19/5, mâu khu râ kong pơlê Gia Lai mơ-eăm mơhnhôk tơlo 6 rơtal 500 rơtuh liăn, tŏng kum ăm 30.000 rơpŏng ai tơdroăng rêh ối pá puât ƀă hên troăng tŏng kum môi tiah tơkŭm po khăm, pơlât tŏng kum, hnê mơhno rak ngăn ivá, xing xoăng pơkeăng tê kơtê.

Diâp lối 7.000 kơxuô tơmeăm, tơkŭm pơtâng tối, mơhnhôk hâi pleăng mơheăm ƀă 1300 tơdrong mơheăm. Khu lo tŏng veăng kong pơlê Gia Lai tối ăm ‘nâi, mâu tơdroăng tŏng kum hơnăm kố ôh tá xê to kum mâu ngế ai tơdroăng rêh ối pá puât a Gia Lai, mê ối troh lâp lu ing tơdroăng “Rơtuh kơteăng chêng tuăn pâ” xua Khu xiâm Khu lo tŏng veăng pêi pro.