VOV4.Xơ Đăng - Pơtối tơdroăng roh hôp má 8, kơxo lơ 17/2, Vi ƀan pơkuâ Kuô̆k hô̆i tơpui tối ‘na tơdroăng pơkâ tơ’nôm tơdroăng tơkêa bro luât khăm, pơlât (‘mâi rơnêu) tung tơdroăng mơjiâng luât hơnăm 2022. A roh hôp má 5, tơkŭm po khế 11 hơnăm nah, Vi ƀan pơkuâ Kuô̆k hô̆i hiăng tơpui tối ‘na tơdroăng pơkâ dêi Chin phuh tơ’nôm tơdroăng tơkêa bro Luât khăm pơlât ‘mâi rơnêu tung tơdroăng mơjiâng luât hơnăm 2022.

Laga xua tá hâi tơniăn pơkâ, Vi ƀan pơkuâ Kuô̆k hô̆i pơkâ séa ngăn, mơnhên tơdroăng tơdjâk, tơdroăng ki chiâng pêi pro, ki rơhêng vâ tối tơtrŏng troh pơkâ pơ’lêh ăm tơtro tâ, mơdêk tơdroăng ki dâi lĕm tung tơdroăng rak ngăn, rak vế ivá châ chăn kuăn pơlê; kơjo ƀă tơdroăng khăm, pơlât, mơ’no liăn ăm mơngế pêi cheăng khăm pơlât ƀă kơpong vâi krâ hdroâng kuăn ngo ƀă kong ngo, kơpong tơkăng kong, rơlố, kơpong tơdroăng cheăng kâ – rêh ối pá puât ƀă hía hé.

A Sa Ly tơplôu ƀă tơbleăng