VOV4.Xơ Đăng - Tơbleăng a roh tiâ tối ‘na tơdroăng hnê hriâm tung pơla pơreăng COVID-19 xua Vi ƀan mơhno túa lĕm tro, hnê hriâm dêi Kuô̆k hô̆i tơkŭm po, tung kơxê lơ 25/2, Khu xiâm pơkuâ hnê hriâm tiâ tối tơkŭm khu tơdroăng kân: Tơniăn drêng lôu péa hngêi trung hriâm ƀă tơniăn hnê hriâm tung pơla pơreăng COVID-19. Mâu tơdroăng pá puât, pơloăng mơnúa dế pơkâ tơniăn drêng lôu péa hngêi trung hriâm; mâu troăng pêi vâ tơniăn, ivá châ chăn ăm mâu thái cô ki má lối cho ƀă hok tro pá kơdâm 12 hơnăm, tá hâi châ pâk vaccine; mâu troăng hnê hriâm mơ’no tơdrêng tung um tiô troăng măng Internet ƀă hía hé, mê cho mâu tơdroăng tô tuăn dêi hên mâu kăn teăng mâ a roh tiâ tối.

Xông tơpui roh tiâ tối, pôa Trần Thanh Mẫn, Kăn phŏ hnê mơhno má môi Kuô̆k hô̆i pơkâ thế kơvâ hnê hriâm tơkŭm hnê mơhno vâ tơniăn hneăng hriâm 2 hơnăm 2021 – 2022 mơgêi châ tơƀrê hôm.

A Sa Ly tơplôu ƀă tơbleăng