VOV4.Xơ Đăng - Kơxo lơ 25/7, a Hngêi Kuô̆k hô̆i po rôh hôp tơpui tơno ăm rơkong veăng tơpui tối ‘na kơxop hlá mơéa pơkâ tơdroăng hneăng hôp Kuô̆k hô̆i ki ‘mâi pơhlêh. A rôh hôp tơpui tơno mâu kăn hiăng tơkŭm ăm rơkong veăng tơpui tối tung tơdroăng ki kal dêi kơxop hlá mơéa pơkâ vâ veăng kum mơdêk tơdroăng cheăng dêi Kuô̆k hô̆i rế hía rế rơkê, tơtro ƀă mơdêk tâ nếo ki rơkê plĕng, tơƀrê mâu hneăng hôp Kuô̆k hô̆i. Hên rơkong tối tiah kố, athế mơdêk tơdroăng pơkâ chiâng Luât vâ rak tơniăn tơdroăng ki tơdrăng tung pêi pro, xuân môi tiah tơtro tiô ki rơkê plĕng dêi mâu kong têa dế xúa. Mâu kăn xuân tơkŭm ăm rơkong veăng tơpui tối ‘na tơdroăng ki ‘mot tơ’nôm tơdroăng pơkâ ki ôh tá tơbleăng hlá mơéa, tơbleăng a mâu rôh hôp tâi tâng vâ kơdĭng chôu hneăng hôp ƀă  mâu kăn kuô̆k hô̆i ai tơ’nôm chôu vâ tơpui, tơpeăng; ‘Na’mot tơ’nôm pơkâ mơdât mâu kăn Kuô̆k hô̆i pơkâ xúa hlá mơéa tá hâi kĭ pơkâ; ‘Na pơkâ, hlá mơéa séa ngăn, pơkâ mâu tơdroăng ki kal ‘na cheăng kâ rêh ối pơlê pơla; ‘Na ki ôh tá tơniăn luât pơla mâu hlá mơ’eá luât pơkâ.

Katarina Nga tơplôu ƀă tơbleăng