VOV4.Xơ Đăng - Tối ‘na tơdroăng mơngế Việt Nam tro khu ‘mêi hêak pơloi djâ lăm pêi cheăng a kong têa Kul, a hneăng hôp tơbleăng nếo achê kố, Ngế kum pêi hnoăng cheăng tơpui kâ jâ Lê Thị Thu Hằng ăm ‘nâi,  mâu kơ koan teăng mâ Việt Nam a Kul hiăng đi đo tơrŭm ƀă mâu khu xiâm, kơvâ cheăng, kơ koan khu râ pơkuâ cheăng ƀă mâu kong pơlê tung tơnêi têa, malối a mâu kong pơlê, tơring, cheăm tíu tơkăng kong pêi pro hên tơdroăng tŏng kum, veăng kum mâu kuăn pơlê ki ối xơpá, vâ djâ vâi vêh dêi tơnêi têa.

Kăn teăng mâ Việt Nam a Kul hiăng ai troăng kơxái phôn krếo tơdrêng troăng prôk ki kum kuăn pơlê  24/7, xuân môi tiah troăng kơxái phôn krếo tơdrêng dêi Khu xiâm pơkuâ teăng mâ vâ tơdah xo mâu tơdroăng tối ăm ‘nâi ‘na mâu ngế ki tro vâi hêak pơloi djâ lăm pêi cheăng, xuân môi tiah mâu tơdroăng ki ê.

Ƀă tơdroăng tơrŭm dêi mâu kơ koan tung tơnêi têa ƀă peăng kum, ta troh nôkố, mâu kơ koan péa pâ hiăng djâ vêh a tơnêi têa dâng 400 ngế, hnê mơhno pro hlá mơ-éa ƀă pêi pro tơdroăng tro tiô luât ăm dâng 1.500 ngế kuăn pơlê ki trâm pá tung pơla vâ vêh a tơnêi têa, prôk lăm, pơkâ hâi khế tíu ối lơ pro xôi luât pơkâ a kong têa ki vâi ối.

Ngế xiâm tơpui kâ ƀă mâu kơ koan teăng mâ kong têa ê kô pơtối tơrŭm ƀă mâu kơ koan tung tơnêi têa ƀă kong têa Kul vâ mơdêk séa ngăn, teăm pơxâu phâk tơdrêng mâu ki pro xôi vâ rĕng kơdroh tơdroăng mê.

Gương tơplôu ƀă tơbleăng