VOV4.Xơ Đăng - Kơxo lơ 21/4, rôh hôp má 10 dêi Vi ƀan pơkuâ Kuô̆k hô̆i veăng hnê tối a hlá mơ-éa luât khăm, pơlât. Tơbleăng a rôh hôp, pôa Vương Đình Huệ, Kăn xiâm hnê ngăn Kuô̆k hô̆i khen kơdeăn todroăng chêh tung hlá mơ-éa luât roh kố hiăng châ tơdah, pê klêi hên tơdroăng ki kal, xuân môi tiah po ngăn hên tơdroăng ki nếo ‘nâi ing tơdroăng hbrâ mơdât pơreăng hdrối kố nah, mơhno ki mơ-eăm dêi Chin phuh ƀă Khu xiâm ngăn pơkeăng pơlât. 

Pôa Vương Đình Huệ, Kăn xiâm hnê ngăn Kuô̆k hô̆i tơbleăng a hneăng hôp

Hồ sơ tơdroăng tơkêa bro luât ai tŭm tơdroăng pơtroh ăm Kuô̆k hô̆i hnê tối a rôh hôp má 3. Pôa Vương Đình Huệ xuân tối nhên, luât ‘mâi hơ’lêh drêng kố kal rak tơniăn tiô pơkâ kring vế, mâu thái pơkeăng xuân môi tiah tơbleăng, tơdrăng tơdroăng khăm pơlât, mơhno ki tơ-brê tung tâi tâng tiô troăng rơhlâ xah hô̆i chuh ngiah tung khăm pơlât. Thế tơkâ luâ tơdroăng pá xua kŏng ngê̆, kih thuâ̆t ki dâi lem, mơdêk yă liăn khăm pơlât rế to kơnâ tâng vâ pơchông ivá ăm dêi hên kuăn pơlê.

Gương tơplôu ƀă tơbleăng