Tối tơbleăng dêi khu Séa ngăn tối nhên: troăng prôk tung lâp tơnêi têa rế hía rế châ mơjiâng bro, tơdrăng, hên troăng prôk ki kal châ ‘no liăn bro, ‘mêng rơnêu ƀă hên ki ê pro tơ’lêi hlâu mơdêk cheăng kâ rêh ối pơlê pơla, rak vế tơniăn gâk kring tơdroăng cheăng lêng. Laga, tơdroăng ki ‘no liăn bro troăng prôk a mâu kong pơlê tá hâi châ tiô tơdroăng ki pơkâ thế. Vi ƀan pơkuâ Kuô̆k hô̆i pơkâ thế: Tơkŭm mâu kơxô̆ liăn vâ ‘no liăn mơjiâng bro troăng prôk; kơjo kum kơxô̆ liăn vâ rak vế troăng prôk ƀă tŏng kum mâu tơdroăng ki ối ai ‘na ki tơklô̆m rơxế a troăng.

Xuân tung hâi lơ23/4, Vi ƀan pơkuâ Kuô̆k hô̆i ăm rơkong tơpui ‘na tối tơbleăng klê kơ’nâi  pêi pro tơdroăng séa ngăn hơnăm 2023 ƀă mâu khế ki apoăng dêi hơnăm 2024, tiô tối hdrối Tơdroăng séa ngăn hơnăm 2025 dêi Kuô̆k hô̆i, Vi ƀan pơkuâ Kuô̆k hô̆i.