Tơpui a rôh hôp, Vi ƀan pơkuâ Kuô̆k hô̆i pơkâ thế túa pơkâ kơphô̆ athế ai troăng ngăn tơtro, ai tơdroăng tơmiât tung la ngiâ, nhuô̆m túa pơkâ kơchơ mơdró ƀă tơdroăng pơkâ mơnhông krá ton; xo kuăn mơngế ƀă ki rơkê plĕng tung rêh ối pro tơdroăng ki xiâm, túa lĕm tro ƀă rơkê plĕng kơphô̆ pro ivá mơnhông; rak vế tơniăn troăng tơmiât tơrŭm pơla kơphô̆ ƀă thôn pơlê, tro ƀă ki ai khât ai tơdroăng ki veăng tơvât kơphô̆ ƀă thôn pơlê.

Pôa Vương Đình Huệ, Kăn xiâm hnê ngăn Kuô̆k hô̆i pơchân, kal séa ngăn vâ pêi pro nhên, pơkâ tơleăng pơla pơhlêh kơphô̆ ƀă mơjiâng thôn pơlê nếo; tơdjâk pơla kong prâi pro hơ’lêh. Kăn xiâm hnê ngăn Kuô̆k hô̆i tối nhên kal hriăn ngăn tŏng kum mâu tơdroăng ki ối tơvâ tung mâu tơdroăng ki ai khât ‘na tơdroăng pơkâ pêi ki kal tung túa pơkâ pro kơphô̆, túa pơkâ thôn pơlê, xuân môi tiah ‘mâi rơnêu túa pơkâ tiah lâi ăm tro tơdroăng.