VOV4.Xơ Đăng - Pơtối roh hôp roh má 16, kơxê lơ 11/10, tơpui ‘na mâu hlá mơ-éa tơbleăng cheăng kâ – rêh ối pơlê pơla ƀă liăn ngân, Vi ƀan pơkuâ Kuô̆k hô̆i pơkâ thế mơnhên ƀă tơdroăng kơdroh % ôh tá tơtro, yă rôe kơnâ tâ yă tê pro hên khu tê mơdró têa châu têa kơxăng lŭp ƀă thế klĭng péa. Tơdrêng amê pơkuâ yă têa châu têa kơxăng; pơkuâ yă mâu tơmeăm ki kal xúa, xua drêng yă têa châu têa kơxăng kơdroh, hên tơmeăm khoăng xuân a kơlo ki kơnâ.

Xuân tung kơxê lơ 11/10, tơpui tối ‘na tơbleăng dêi Chin phuh ‘na tơdroăng châ tơƀrê po rơdâ pêi pro Tơdroăng pơkâ xiâm tơnêi têa mơnhông mơdêk cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2030, Vi ƀan pơkuâ Kuô̆k hô̆i pơkâ thế rĕng pêi kêi đeăng troăng xing xoăng tâi kơxô̆ liăn mơ’no mơnhông mơdêk kơxô̆ liăn ngân Tơnêi têa hneăng hơnăm 2021 – 2025 ki u ối; ai troăng pêi tơdrêng troăng hơlâ, tơkŭm kơxô̆ liăn mơ’no pêi cheăng pơla mâu Tơdroăng pơkâ pêi xiâm tơnêi têa, tơniăn châ tơƀrê kơxô̆ liăn mơ’no cheăng.

VOV Tây Nguyên/Tơplôu: A Sa Ly