VOV4.Xơ Đăng - Pơtối Roh hôp má 10, Vi ƀan pơkuâ Kuô̆k hô̆i hiăng tơpui tơno Tơdroăng tơkêa bro Luât Pơkâ dêi Kuô̆k hô̆i ‘na mơnúa pêi pro mâu troăng pơkâ pêi, troăng hơlâ ki phá tơ-ê mơnhông mơdêk kong pơlê Khánh Hòa. Mâu kăn teăng mâ tối, mơnhông mơdêk kong pơlê Khánh Hòa ôh tá xê djâ kơnâ cheăng kâ mê ối kum gâk kring krá tơniăn hnoăng pơkuâ têa kơxĭ rơlố dêi Tơnêi têa. A roh hôp, tâi tâng mâu kăn cheăng tung Vi ƀan pơkuâ Kuô̆k hô̆i môi tuăn djâ tơdroăng xiâm.

Tơdroăng tơkêa bro Pơkâ dêi Kuô̆k hô̆i ‘na mơnúa mâu troăng pơkâ pêi, troăng hơlâ ki phá tơ-ê mơnhông mơdêk kong pơlê Khánh Hòa tung mơjiâng luât, luât hơnăm 2022. Tâng châ tơbleăng ăm pêi pro a Hneăng hôp má 3, Kuô̆k hô̆i hneăng má 15, kong pơlê Khánh Hòa kô châ ăm phêp pêi pro mâu troăng hơlâ kơjo, ki phá tơ-ê môi tiah: mơdêk tơ’nôm kơlo liăn ối chê̆n; châ hnôu ‘măn liăn ngân tơnêi têa tơ’nôm ai pơkâ sap ing kơxô̆ ki tâk xo hnoăng; kong pơlê châ pơkâ tung pơkâ tơdjuôm mơjiâng kơpong pêi cheăng; pơkâ pơ’lêh pơkâ xiâm tơnêi pêt báu pá kơdâm 500 ha, pơ’lêh kong ki ai xêh pá kơdâm 1 rơpâu ha tiô hnoăng pơkâ dêi Ngế pro xiâm hnê ngăn Chin phuh.

A Sa Ly tơplôu [ă tơbleăng