Khu kăn dêi Vi ƀan xiâm Măt trâ̆n tơnêi têa Việt Nam nếo tơbleăng pơkâ kơxô̆ 676 ‘na tơkŭm tơmâng xo tơdroăng veăng hnê tối dêi kuăn pơlê ‘na hlá mơ-éa Luât tơnêi ki (‘mâi hơ ‘lêh). Ing mê, tơdroăng tơkŭm tơmâng xo tơdroăng veăng hnê tối  dêi kuăn pơlê tung hlá mơ-éa luât  tơnêi ki ‘mâi (hơ’lêh) thế châ pêi pro tro tiô tuăn kuăn pơlê, khoa hok, tơbleăng nhên, tơdrăng, tơniăn tơdroăng pêi pro, tơbrê.

Ing mê tơkŭm tŭm tâi tâng, tro nhên, tơdrăng mâu kuăn pơlê veăng hnê tối vâ tối teăng tơdrêng pơtroh ăm Chin phuh ƀă mâu kơ koan tơdjâk troh. Pơkâ tối nhên mâu tơdroăng kal tiô tơrêm khu ngế tơmâng xo tơdroăng hnê tối, Khu ngế tung râ kuăn pơlê, Vi ƀan Măt trâ̆n tơnêi têa Việt Nam rêm râ, mâu khu tơrŭm cheăng, mâu cheăng ‘na khoa hok, mâu ngế rơkê, mâu Hô̆i đong hnê  mơhno dêi Măt trâ̆n tơnêi têa Việt Nam veăng tâi tâng mâu tơdroăng kal, tơdroăng chêh dêi hlá mơ-éa luât. Ngăn tiô kơ tơdroăng ƀă tơdroăng pêi nhên khât, tơrêm ngế tơkŭm hnê tối tro tâ a  mâu tơdroăng kal.

Tung pơla tơmâng xo tơdroăng veăng hnê tối, tơrêm khu ngế tơkŭm veăng hnê tối tro tâ a mâu tơdroăng  kal. Tung xo tơmâng tơdroăng hnê ing kuăn pơlê  ‘na hlá mơ-éa luât (mâi hơ’lêh) tâi hâi 15/3/2022.