VOV4.Xơ Đăng - Pơxá kơlo ki tơbleăng tơdrăng ’na liăn ngân dêi Việt Nam tâk 9 râ tâng vâ pơchông ƀă rôh séa ngăn hdrối, ối má 68 tung kơxô̆ 120 to kong têa châ tối. Mê cho tơdroăng ki tơxâng vâ ‘nâi, ăm hlo ki mơ-eăm dêi Việt Nam tung tơdroăng mơdêk tơbleăng tối tơdrăng ‘na liăn ngân tơnêi têa.  Tiô séa ngăn liăn ngân po tung lâp plâi tơnêi hơnăm 2021, điêm ki pơxá ối ƀă pái troăng ai hên ki tơ-brê ƀă xuân tâk tâng vâ pơchông ƀă rôh séa ngăn hdrối nah, châ 44/100 điêm ƀă troăng ki chêh tơdrăng ‘na liăn ngân, 17/100 điêm ƀă troăng chêh tơdroăng veăng pêi pro dêi kuăn pơlê, ƀă 80/100 điêm ƀă troăng chêh séa ngăn liăn ngân (mâu troăng chêh mê xuân tâk 6 điêm tâng vâ pơchông ƀă hơnăm 2019).

Ki hlo tơ-brê dêi Việt Nam cho pơ’lêh a điêm kơxô̆ ‘na troăng chêh ki Veăng dêi kuăn pơlê, châ a kơlo 17/100, hên tâ tâng vâ pơchông ƀă lâp plâi tơnêi ai 14/100. Khu xiâm ngăn ‘na liăn ăm ‘nâi, tung la ngiâ, kô pơtối pêi tro tơdroăng cheăng tơbleăng tơdrăng ‘na liăn ngân Tơnêi têa.

Gương tơplôu ƀă tơbleăng