Ki nhên a Pơkâ kơxô̆ 190, hâi lơ 20/1/2025, pôa Hồ Đức Phớc, Phŏ Ngế pro xiâm hnê ngăn tơnêi têa pơcháu Khu xiâm pơkuâ liăn ngân xing xoăng ôh tá xo liăn ăm kong pơlê Kon Tum lối 105 tâ̆n phái, tung mê lối 58 tâ̆n phái tŏng gum kuăn pơlê roh Têt Lo hơnăm nếo Ất Tỵ ƀă lối 47 tâ̆n phái tŏng gum kuăn pơlê roh tá hâi troh rơnó pôe xo apoăng hơnăm 2025.

Klêi kơ’nâi Chin phuh ai pơkâ xing xoăng ăm lối 105 tâ̆n phái tŏng gum vâ chê 2.300 rơpŏng roh Têt Lo hơnăm nếo Ất Tỵ ƀă roh tá hâi troh rơnó pôe xo báu apoăng hơnăm 2025, kong pơlê Kon Tum pêi pro tơdrêng tơdroăng tơdah phái vâ pêi pro tơdroăng tŏng gum troh kuăn pơlê teăm tơdrêng, tro mơngế, tro pơkâ hdrối Têt Lo hơnăm nếo Ất Tỵ 2025. Rơtế ƀă kong pơlê Kon Tum, roh kố Chin phuh xuân pơkâ xing xoăng tâi tâng lối 2.500 tâ̆n phái ôh tá xo liăn ing kơxô̆ liăn ‘măn kơdĭng tơnêi têa tŏng gum kuăn pơlê mâu kong pơlê: Hà Giang, Cao Bằng, Ninh Thuận, Dak Lak roh Têt Lo hơnăm nếo Ất Tỵ ƀă roh tá hâi troh rơnó pôe xo hơnăm 2025.