Vâ teăm tŏng gum, mơhnhôk mâu ngế kơtiê, rơpŏng ki ai tơdroăng rêh kâ ối xơpá ai tơdroăng vâ tơdah hơngui tŭm tơdroăng, Khu lo tŏng veăng kong pơlê Dak Lak hiăng tơrŭm ƀă mâu tíu pêi cheăng tŏng gum kế tơmeăm ƀă diâp lối hrĭng kơxuô tơmeăm a mâu pơlê cheăm kơpong xơpá, kơpong kuăn pơlê hdroâng kuăn ngo.

Troh nôkố, a kong pơlê Dak Lak hiăng ai lối 55.200 rơpŏng châ diâp ăm tơmeăm têt ƀă tâi tâng kơxô̆ liăn roê cho lối 25 rơtal liăn. Tiô jâ Nông Thị Thu, Phŏ kăn xiâm hnê ngăn Vi ƀan Măt trâ̆n Tơnêi têa Việt Nam kong pơlê Dak Lak, kong pơlê tŏng gum ăm tâi tâng mâu rơpŏng kơtiê, rơpŏng vâ chê kơtiê pơrá châ hbru ăm tơmeăm, châ ro Hơngui, tơdah Têt tro tơdroăng pơkâ “Ôh tá lôi kơbố ki lâi pa rŏng”.