Pêi pro tiô tơdroăng Tơkêa bro 214 ‘na xut tah hngêi pơtân hngêi xi kơchoh, Vi ƀan kuăn pơlê kong pơlê Dak Lak pơcháu ăm Kŏng an kong pơlê pơkuâ, tơrŭm ƀă Khu xiâm mơjiâng hngêi trăng, Khu xiâm ngăn liăn ngân, mâu pơlê cheăm ƀă mâu tíu pêi cheăng tơdjâk troh hnê mơhno mơjiâng pro 4.285 toăng hngêi vâ ăm mâu rơpŏng kơtiê, vâ chê kơtiê tung kong pơlê tung hơnăm 2025.

Tung kơxô̆ ki mê ai lối 1.650 rơpŏng kuăn ngo ki rêh ối a mê. Tâi tâng kơxô̆ liăn pro hngêi ai 342,8 rơtal liăn. Kơlo mơjiâng pro nếo rêm toăng hngêi ai 80 rơtuh liăn. Mâu kong pơlê, kơvâ cheăng a Dak Lak pơtối hnê mơhnhôk pơlê pơla veăng tơlo tơ’nôm liăn, tơmeăm mơjiâng pro, hnoăng pro vâ pro mâu hngêi lĕm tâ hlối klêi tro tiô hâi khế pơcháu, kum mâu rơpŏng hngêi ki xơpá rĕng tơniăn tung rêh ối.