Tung hâi kố, Kuô̆k hô̆i xuân hôp krê ‘na tơdroăng cheăng mâu ngế pêi cheăng. A Hneăng hôp ôh ti xê tiah hmâ rôh má 9, mâu kăn mơnhên tối khât hnoăng cheăng hbrâ rơnáu, khŏm mơ-eăm, ivá mơ-eăm dêi Đảng, Kuô̆k hô̆i, Chin phuh ƀă kong pơlê tung tơdroăng ki xing xoăng kơ koan tơnêi têa, tơkŭm tơ’mot môi tíu pêi cheăng.

Tiô mâu kăn athế pơhlêh túa pơkâ pêi, túa pơkuâ ngăn, ví pro ai mâu kơ koan cheăng ai ngế ki rơlối. Mâu kăn Kuô̆k hô̆i mơnhên tối khât tơdroăng ki tơkŭm tíu pêi cheăng a mâu kơ koan Đảng, Kuô̆k hô̆i, Chin phuh ƀă kong pơlê. Vâ tŏng gum, pơkâ tơleăng mâu tơdroăng ki trâm, Chin phuh hiăng teăm pơkâ tơdroăng kơxô̆ 178 ‘na troăng hơlâ tŏng gum ăm kăn ƀô̆, kong chưk, viên chưk, ngế pêi cheăng ƀă khu lêng kring vế tung pêi pro xĭng xoăng tơkŭm tíu pêi cheăng dêi khu pơkuâ tơdroăng kal kí. Tíu troh cho kơ koan athế tơkŭm iâ pêi cheăng xêt tơƀrê tro tâ.