Pôa Phan Nguyễn Ngọc Dung pơkâ thế Vi ƀan kuăn pơlê kong pơlê kal tơbleăng pêi tơdrêng, tơtro ƀă tơdroăng ki ai khât tơrêm kơpong. Pakĭng mê, mơdêk hnê tối luât pơkâ tŏng gum kuăn ngo, xăm kơtiê, kih thuât pêi chiâk, pơxiâm pêi cheăng ƀă mơjiâng tơdroăng rêh ối khê xêh.

Tơdroăng tăng ngăn, xoăng khu rơpŏng kơtiê, vâ chê kơtiê kal châ pêi nhên vâ kơjo kum ki kal, tơkŭm a túa pêi pro tiô ki pơxúa. Pakĭng mê, kong pơlê xuân kăl mơdêk  tŏng gum tiô kih thuât, ăm mung liăn, kum cheăng pêi amê, tơdjêp tăng tíu tê tơmeăm pê lo ing chiâk deăng  vâ pơtối rak ki tơƀrê dêi liăn ƀă ‘mâi  hơ’lêh cheăng kâ ăm kuăn pơlê.