Kăn xiâm pơkuâ hnê ngăn Đảng tối nhên: A hneăng hôp tíu xiâm po a hâi lơ 23/1 kố nah, Khu kăn xiâm vâ môi tuăn rah xo tơ’nôm pôa Nguyễn Duy Ngọc pro Ngế cheăng tung khu xiâm kal kí, Ngế pơkuâ Vi ƀan séa ngăn Tíu xiâm vâ ai hâi khế ăm pôa Trần Cẩm Tú tơmâng pêi tơdroăng cheăng hmâ pêi dêi Khu kăn Đảng.  

Ƀă pôa Nguyễn Duy Ngọc, pôa Tô Lâm, Kăn xiâm pơkuâ hnê ngăn Đảng tối nhên, cho kăn ƀô̆ ai ivá cheăng, châ hriâm tŭm, hlê hên tơdroăng, châ hriâm, pơloăng mơnúa tung tơdroăng pêi pro ing pơlê troh kăn ƀô̆ xiâm dêi khu xiâm Kŏng an, châ Đảng, Tơnêi têa pơcháu mâu tơdroăng cheăng ki kal.

Tung plâ pêi cheăng, pôa đi đo pêi klêi hnoăng cheăng pơcháu. Kăn xiâm pơkuâ hnê cheăng Đảng púi vâ ƀă loi khât kơ pôa Nguyễn Duy Ngọc ôh tá la lâi pơtê mơdêk tuăn mơ-eăm, hnoăng cheăng pêi, tuăn chân, tơdrêng ƀă khu kăn ƀô̆, mâu kăn dêi Vi ƀan Séa ngăn Tíu xiâm pêi klêi tơdroăng cheăng ki châ pơcháu.