Kuăn pơlê tá kâi piu 3 roh tơklâm rơxế ki râ ó pơtối ai a tơring Kim Thành, kong pơlê Hải Dương pro 7 ngế hlâ. Hdrối mê, xuân a tơring Kim Thành, khu ngế lăm troh a ilâng kiâ drêng vêh tro rơxế kân klâm tro 8 ngế hlâ. Xiâm kối dêi mâu roh tơklâm kố hiăng châ kơ koan cheăng mơnhên tối xiâm kối xua ngế ki vê rơxế ôh tá teăm pât xua kơtâu têi, prôk ôh tá tro troăng, ôh tá ngăn hdrối kơ’nâi, tơluâ ôh tá tro tiô pơkâ.

Laga tiô mâu ngế ki rơkê ‘na prôk troăng tối xiâm kối cho ôh tá pro kơtăng tung mơjiâng pro [a\ pơkuâ kơpong kuăn pơlê rêh ối, chiâng ai tơdroăng kuăn pơlê hdi troăng, pro hơ’leh troăng kân. Pôa Trần Hữu Minh, Pho\ pơkuâ [ơrô Vi [an rak tơniăn troăng prôk [a\ rơxế kơtâu Tơnêi têa tối:

‘’Pak^ng xiâm kối tơdjâk troh ngế vê rơxế ai xiâm kối tơdjâk cho hngêi trăng, troăng klông. Kố cho tơdroăng ki pin kal tơmâng ‘nâi ple\ng. Pin ‘nâi hâng lông troăng pin nôkố tro hdi hên ó ‘nâng. Ki kố cho xua pin rêh ối, ai hên hngêi kuăn pơlê drô troăng klông kân, tơdroăng kố pro ăm troăng kân chiâng mâu troăng kơpho#, drêng rơxế kơtâu têi môi tiah mê, drêng ai hên kuăn pơlê tơkâ troăng mê kô trâm hên xía vâ’’.

Môi tung mâu xiâm kối chiâng ai hên roh tơklâm rơxế râ ó tung pơla kố nah xiâm kối xua ngế vê rơxế ôu drôu, [ier. Ki rơhêng vâ tối mơhé mâu kơ koan hiăng đi đo séa ngăn, thăm pơxâu phak laga tơdroăng vê rơxế ai ôu drôu [ier cho hên. Xiâm kối dêi tơdroăng tơklâm xua xôi ôu drôu hên ó, tiô hên ngế tối xua tơdroăng ki hmâ tung rêh ối, khôi túa dêi rêm ngế ‘na ôu drôu [ier hiăng ai sap ing ton nah.

Pak^ng mê, ki châ tơ-[rê tung hnê hriâm, pơtâng tối ối iâ, tá hâi pêi pro tro hnoăng djâ troăng ahdrối tung pêi pro pơkâ ‘’hiăng ôu drôu [ier ôh tá vê rơxế’’ dêi kăn [o#, đảng viên; tơdroăng lăm séa ngăn pơxâu phak ối iâ.

Pôa Bùi Danh Liên, ngế ki hriăn ple\ng ‘na troăng klông tối:

‘’Tơklâm rơxế ai hlo hên xiâm kối, laga xiâm kối xuân cho ôh tá teăm pât dêi mơngế vê rơxế. Xua mê kuăn mơngế cho ki xiâm, drêng ai tơdroăng ki râ mê pin thế mơ’no luât pơxâu phak kơtăng vâ ôh tá ăm ngế ki mê vê rơxế pro chiâng rơ-iô troh dêi châ [a\ pơlê pơla’’.

Tiô mâu ngế ki hriăn ple\ng ‘na troăng prôk [a\ rơxế kơtâu, tung pơla kố nah ai hên troăng pêi pói tơngah kô kơdroh tơklâm rơxế laga ki nhên khât tá hâi châ tơ-[rê tiô pói vâ, xua pêi pro tá hâi kơtăng.

Pơtih, tơdroăng pơkuâ vê rơxế klêi kơ’nâi ăm [âng tá hâi tơniăn, tơdroăng ăm hơ’leh [âng vê rơxế ăm ngế krê ki pro xôi luât troăng prôk, tá mâu ngế ki pro tơklâm rơxế cho ối tơ’lêi. Tơdroăng pro troăng xuân tá hâi tu\m, kơchuâ troăng prôk, kơ-[ang ki hnê prôk troăng tá hâi tơtro, ối hlo hên a mâu troăng lăm a kong pơlê, troăng lăm a tơring.

Tơdroăng xúa kong nge# thong tin tung pơxâu phâk liăn, pro xôi luât troăng prôk xuân ối tơvâ tơvân hên, yăo sư – tie#n sih  Từ Sỹ Sùa, Hngêi trung Đăi hok Giao thông Vận tải Hà Nội tối ăm ‘nâi:

‘’Ai hên ngế prôk troăng ôh tá tiô luât rak tơniăn troăng prôk [a\ rơxế kơtâu, pơtih prôk ôh tá tro troăng dêi tơná, ôh tá teăm pât, ôu drôu [ier drêng vê rơxế, tá mâu ngế ki prôk troăng xuân cho xiâm kối pro chiâng tơklâm rơxế. Xua mê, kal thế ai troăng pơtâng tối, hnê hriâm, pêi pro tiô luât, mâu tơdroăng pro xôi mê thế pơxâu phak, xua thế pêi tiô luât.

Tiô á, pơxâu phak kơ’nâi thế to kơnâ xua mê kal po rơdâ [a\ thăm pêi pro tâi tâng ôh tá xê to krê rơxế ôtô, tá rơxế honđa, rơxế mái [a\ mơngế prôk troăng’’.

Pôa Nguyễn Văn Thể, Ngế xiâm pơkuâ troăng prôk [a\ rơxế kơtâu tối, mâu kơ koan cheăng kal tơku\m thăm mơnhông [a\ mơdêk châ tơ-[rê xúa ko\ng nge# tung rak tơniăn troăng prôk [a\ rơxế kơtâu:

‘’Ngin vâ mơjiâng chiâng môi tơdroăng séa ngăn ing kơmăi ko\ng nge#, ing mê pin kô séa ngăn tơdroăng prôk lăm tung tíu kuăn pơlê rêh ối, a mâu troăng ki xiâm, pái hơlâ troăng, pu\n hơlâ troăng [a\ mâu tíu kơdrâm rơxế prôk lăm vâ pin séa ngăn tơdroăng pêi pro tiô luât dêi kuăn pơlê, dêi mâu ngế ki prôk drô troăng tung lâp tơnêi têa Việt Nam, ing mê, pin tơku\m pơxâu phak kơ’nâi mâu ngế ki pro xôi. Tơdrêng amê xúa ko\ng nge# vâ pơkuâ troăng klông, hâng lông troăng’’.

Tâng vâ tối tơklâm rơxế ki xiâm cho ki ple\ng dêi mơngế vê rơxế. Xua mê, vâ kơdroh tơklâm rơxế kal pơtâng tối, hnê hriâm, mơhnhôk kuăn pơlê mơjiâng khôi túa le\m tro ‘na troăng prôk, tơdrêng amê, khu cheăng kal thăm séa ngăn, pơxâu phak [a\ mâu ngế pro xôi luât troăng prôk [a\ rơxế kơtâu. Vâ hbrâ ví tơklâm rơxế, mê rêm ngế thế prôk troăng rak vế tiô luât rak tơniăn troăng prôk [a\ rơxế kơtâu.

Việt Cường chêh

A Sa Ly tơplôu [a\ tơbleăng