VOV4.Sêdang - Tơdroăng nếo ai tối a kơhâi dế lơ 11/5 dêi khu xiâm ngăn pơkeăng ăm ‘nâi, ai tơnôm pa 18 ngế nếo tâ pơreăng COVID-19, tung mê, 2 ngế cho prế ki lo ing kong ê hiăng klâ krê  tơdrêng, 16 ngế tung tơnêi têa xuân cho mâu ngế ki ối tung kơpong klâ krê, kơpong ki mơdât ôh tá ăm lo pá gong. 2 ngế châ klâ krê, 2 ngế châ klâ krê tơdrêng klêi troh a Đồng Nai.

16 ngế tung tơnêi têa nhôm tâ pơreăng, tung mê, ai 10 ngế a Bắc Giang, 2 ngế a Hà Nội, 2 ngế a Quảng Trị, 1 ngế a Bắc Ninh ƀă 1 ngế a Hải Dương. Riân troh 12 chôu hâi lơ 11/5, Việt Nam ai tâi tâng 1 rơpâu 71 ngế nhôm tâ tú tung tơnêi têa ƀă 1 rơpâu 436 ngế ki lo ing kong têa ê.

Kơxô̆ mâu ngế ki nếo tâ riân sap hâi lơ 27/4 troh nôkố: 501 ngế. Pôa Nguyễn Thanh Long, Ngế xiâm ngăn ‘na pơkeăng ƀă khăm pơlât tối, tung pơla pơreăng COVID-19 tâ tú dế nôkố, thế ngăn tơdroăng ki séa ngăn mơheăm cho môi tung mâu tơdroăng cheăng pêi ki kal khât, thâ pêi rĕng. Ngế xiâm ngăn pơkeăng ăm ‘nâi, pin dế ối tung pơla ôh tá tơniăn xua xâu tơ’lêi tâ pơreăng têi.

Gương tơplôu ƀă tơbleăng