Êng: Ô [ok thái pơkeăng! Tơdroăng pơrea\ng the\n ko\ng chêng rơkong tung kong pơlê Dak Lak xông tâ tú môi tiah lâi há, ô pôa?

{ok thái pơkeăng Phạm Văn Lào: Tâng xêo ngăn ‘na kơxo# mơngế, pơrea\ng the\n ko\ng chêng rơkong mê hơnăm kố vâ chê [a\ 60% tâng vâ ngăn [ă hơnăm 2017. Mê cho kơxo# mơngế tâ pơrea\ng hơnăm kố kơdroh hên tâ hơnăm nah. Laga dâng 4 măng t^ng achê kố mê kơxo# mơngế tro tâ pơrea\ng châ vâ chê tơdế tung tâi tâng kơxo# mơngế tro tâ pơrea\ng tung 8 khế apoăng hơnăm. Tơdroăng kố châ tối cho hên ‘nâng.

Pơrea\ng the\n ko\ng chêng rơkong cho môi pơrea\ng xua virus pro, pơrea\ng pro môi tiah vâi hdrêng tơngê ôh tá râ lơ tơngê râ. Má péa, cho tâ drô kéa môi tiah a kơpong krôk, rơkong, kơpeăng ko\ng, chêng, kơtêi lơ a krâng. Tâng râ mê vâi hdrêng lôi kâ, kơbre\n [a\ hmâ hlo kơdrâ klêi mê cho khăng kơbre\n, châi plâi nuih, châi xôu.

Êng: Pơrea\ng the\n ko\ng chêng rơkong hmâ xông tâ tú rơnó ki lâi tung hơnăm, ô [ok thái pơkeăng?

{ok thái pơkeăng Phạm Văn Lào: Tiô xêo ngăn mê tung hơnăm hmâ ai 2 rơnó pơrea\ng the\n ko\ng chêng rơkong xông tâ tú ó. Má môi cho sap khế 4 troh khế 6. Má péa, cho sap khế 9 troh khế 11.

Nôkố kong pơlê Dak Lak dế mot a rơnó má 2. Ai hên xiâm kối pro chiâng tơdroăng kố, mê cho kong prâi, tơ’lêi ăm virus xông tâ tú, ki rơhêng vâ tối cho hâi khế pơhlêh rơnó, sap rơnó tô troh rơnó mêi [a\ rơnó mêi troh rơnó tô.

Xiâm kối kal nếo cho rơnó kố pơrea\ng tâk hên tâng pơchông [a\ rơnó sap khế 4 – khế 6 mê cho rơnó hok tro tơku\m hriâm a hngêi trung, drêng mâu vâi muăn tơku\m kơdrâm mê pơrea\ng tơ’lêi xông tâ tú tâ.

Êng: Thế hbrâ mơdât [a\ túa ki lâi tơtro má môi, ô [ok thái pơkeăng?

{ok thái pơkeăng Phạm Văn Lào: Má môi thế kâ krúa, kâ tô ôu chên. Kế tâ tơmeăm kâ dêi mâu vâi muăn thế mơgrúa krúa le\m, tơmeăm athế âp tung têa tô ahdrối vâ xúa. Má péa cho rêh kâ ối krúa. Rêm hâi, hngêi trăng thế châ kơpuih, xut krúa le\m [a\ têa.

Ki rơhêng vâ tối kal xếo ko\ng [a\ kơ-[o\ng ahdrối vâ kâ [a\ klêi kơ’nâi lăm mơdrah. Kố cho pơrea\ng tâ tú ki hên cho troăng klêa xua mê pin thế pơkuâ ngăn tơtro drêng vâi hdrêng lăm mơdrah, thế xúa hngêi mơdrah krúa le\m. Ăm vâi hdrêng lăm mơdrah a hngêi mơdrah krúa le\m lơ lăm mơdrah tung kơthung, klêi mê thế xếo krúa kơthung mê [a\ kơ-[o\ng.

Tui lui cho tơmeăm xah hêi dêi vâi hdrêng, rêm hâi thế xếo krúa. Môi măng t^ng ki vâ iâ thế xếo, chuât [a\ kơ-[o\ng péa xôh. Drêng vâi hdrêng tro tâ pơrea\ng thế ăm ối klâ [ă vâi pú. Akố hên ngế tơmiât cho rak ngăn vâi hdrêng ối a hngêi cho ăm ối hơngế laga kuăn muăn nho\ng o tung pơlê xuân ối pôu a hngêi ăm xah hêi [a\ trâm tơpui tơno. Pôi tá ăm ai tơdroăng mê. Tâng vâi hdrêng dế lăm hriâm kơdrâ châi klêa mê athế thâ djâ vâi hdrêng vêh a hngêi ăm ối hơngế [a\ djâ troh a hngêi pơkeăng vâ khăm pơlât. Ki kal tâ mê nếo, klêi kơ’nâi vâi hdrêng hiăng prêi le\m sap 7 – 10 hâi mê nếo ăm vâi hdrêng pơtối hriâm.

Xua klêi kơ’nâi hiăng prêi pakong ôh tá hlo laga tung eâk dêi vâi hdrêng xuân ối ai virus, tiah mê tâng lôi vâi hdrêng lăm hriâm kô chiâng tâ tú pơrea\ng ăm vâi hdrêng ki ê.

Mơnê kơ [ok thái pơkeăng!

Thu Huế - Đình Thi chêh

A Sa Ly tơplôu [a\ tơbleăng