Êng: Ô tie#n sih, [ok thái pơkeăng Trần Thị Thúy Minh! {ok thái pơkeăng tối ăm ‘nâi ‘na pơreăng châi klêa ai mâu túa ki lâi [ă ki xiâm rơ-iô gá ti lâi há?

{ok thái pơkeăng Thúy Minh: Pơreăng châi klêa râ klâ ai 3 túa ki xiâm mê cho: Châi klêa râ cho châi klêa pơyâng lo têa pá xuâp 14 hâi, châi klêa râ cho châi klêa lăm dế lo têa kơpêng 14 hâi [ă châi klêa râ lăm mơdrah hlối lo mơheăm. {ok thái pơkeăng ngăn tiô kô mâu túa drâm mê vâ séa ngăn tối túa ki pơlât ăm tơtro.

Châi klêa râ ki châ tối cho vâi ‘ne\ng lăm dế lo to têa sap ing 3 hdroh tơngi klêng tung 1 hâi. ‘Na ki xiâm ăm ‘nâi, pak^ng tơdroăng ăm ‘nâi lăm dế lo to têa sap ing 3 hdroh tơngi klêng tung 1 hâi hmâ ăm hlo vâi hlối châi klêa, lo hêa.

Châi klêa râ [ă ki hmâ hlo a vâi ‘ne\ng, malối vâi ‘ne\ng pá xôp 2 hơnăm [ă kố xuân cho môi tung mâu túa pơreăng ki pro kơxo# mơngế mot pơlât a hngêi pơkeăng hên má môi a Kơbong pơlât vâi hdrêng dêi mâu hngêi pơkeăng.

Êng: Ô [ok thái pơkeăng, drêng hlo vâi ‘ne\ng pơxiâm châi klêa râ mâu nôu pâ thế pro ti lâi? Hôm xê kho\m thế djâ pơlât tơdrêng hlối a hngêi pơkeăng há?

{ok thái pơkeăng Thúy Minh:  Ngăn tiô kô kơlo châi klêa râ lơ ôh a mâu vâi ‘ne\ng, mê kô pơlât a hngêi lơ djâ a hngêi pơkeăng pơlât tơdrêng hlối. {ă mâu vâi ‘ne\ng ki nếo châi klêa mâu nôu pâ thế ăm ngế ‘ne\ng ôu têa đi đo, têa ki ôu tơ’nôm mê thế tơ’mô [ă têa ki lo xua châi klêa. Mâu têa ki thế ăm ôu tơ’nôm mê cho têa Oresol hơ’lâk lôi lơ mâu têa ki pro xêh, môi tiah têa phái ki kơ-óu râm po iâ, lơ têa plâi kâ. Ki ăm ôu tơ’nôm mê gá tiah kố: Dâng 20ml têa 1 hdrôh [ă vâi ‘ne\ng pá xuâp 6 khế, 50-100 ml têa 1 hdroh [ă vâi ‘ne\ng ki sap 6 khế troh 1 hơnăm, lối 100ml têa  [ă vâi ‘ne\ng  kơpêng 1 hơnăm. Tâng vâi ‘ne\ng lăm dế hên hdrôh la ôh tá chiâng ôu têa. Má péa, lo hêa hên luâ râ. Má pái vâi ‘ne\ng rơlâi rơlo, pá kâi vâ xông, oh tá vâ âu, hmếo pơ kơdrâ, tâng hlo ti mê thế thâ re\ng djâ lăm pơlât a hngêi pơkeăng ki achê vâ re\ng teăm khăm pơlât prêi.

Êng: Ô [ok thái pơkeăng, mâu tơdroăng ki hmâ hlo, mâu nôu pâ rak ngăn pơlât dêi kuăn ‘ne\ng drêng vâi châi klêa râ gá kô pro vâi ‘ne\ng thăm rế châi klêa ó tâ ?

{ok thái pơkeăng Thúy Minh: Mâu tơdroăng ki nôu pâ pêi pro oh tá tro tung rak ngăn vâi ‘ne\ng châi klêa râ nôkố: má môi xâu lơ ăm vâi ‘ne\ng ôu têa xua tơmiât tiah mê kô rế châi klêa hên tâ. Má péa, hmâ hlo pơrah ăm vâi ‘ne\ng kâ kế bú ăm kâ to rơhé pế tê kơtê, mê cho tơdroăng ki oh tá tro. Má pái, ăm vâi ôu mâu túa têa ngeăm ki pro lôi tung kơ’lo, kung kếo, tơdroăng kố thăm rế rơ-iô ăm vâi ‘ne\ng, thăm pro vâi rế châi ‘mêi tung klêa, rế châi klêa râ, mâu túa têa ngeăm mê oh tá pro ăm vâi re\ng prêi. Má pu\n, mâu nôu pâ iâ tơmiêt ăm kuăn ôu tơ’nôm têa vâi tơmiât troh to tơdroăng rôe pơkeăng ăm ôu vâ mơdât châi klêa.

Êng: Mâu nôu pâ kal thế hbrâ mơdât châi klêa râ ăm vâi ‘ne\ng môi tiah lâi ô [ok thái pơkeăng?

{ok thái pơkeăng Thúy Minh:  Pin hbrâ mơdât pơreăng ăm vâi ‘ne\ng ing mâu tơdroăng ki xiâm pro vâi châi klêa [ă tiô khế hơnăm. Môi túa hbrâ mơdât ki xêt má môi cho pâk pơkeăng vaccine hbrâ mơdât pơreăng, mê cho pâk pơkeăng vaccine Rotavirus. Má péa, ôh tá ăm vâi ối a xiâm ki tơ’lêi tâ tú. Ăm vâi ‘ne\ng kâ tô, ôu chên, kâ mâu kế kâ ki pế chên. Mâu tơmeăm ăm vâi ‘ne\ng kâ tơ’môm thế châ kơdê pơreăng hdrối vâ ăm kâ. {ă vâi ‘ne\ng ki tung châ tơ’lêi lo tơhe\n [ă mâu túa kế kâ mê nôu pâ thế tơtro\ng tah lôi. Malối, tơmeăm xah hêi dêi vâi ‘ne\ng xuân thế châ xếo krúa le\m vâ pôi tá ai vi khuẩn tâ tú drêng vâi ‘ne\ng râng tơmeăm xah mê tâ dêi a rơkong. Drâm vâi ‘ne\ng châi klêa thế châ tah tro tơdroăng, pôi tá ăm châ krêa a tơnêi, a tơmeăm.

Êng: Hôm mơnê kơ [ok thái pơkeăng.

Kim Oanh – Đình Thi rah chêh

Gương tơplôu [a\ tơbleăng