.VOV4.Sêdang - Sap ing roh hôp má 10 Kuô̆k hô̆i hneăng 14 troh nôkố, Khu Kăn Vi ƀan xiâm Măt trâ̆n tơnêi têa Việt Nam tơrŭm ƀă Vi ƀan pơkuâ cheăng Kuô̆k hô̆i hiăng tơkŭm châ 2.278 tơdroăng veăng hnê tối, pâ thế dêi kuăn pơlê ƀă kuăn pơlê tung lâp tơnêi têa pơtroh ăm rôh hôp má 11 Kuô̆k hô̆i hneăng 14. Tiô pôa Trần Thanh Mẫn, Kăn hnê ngăn Vi ƀan Xiâm Măt trâ̆n tơnêi têa Việt Nam kuăn pơlê pơtối tối tơdroăng ki tô tuăn hlo ki rơ-iô dêi pơreăng Covid-19, mâu tơdroăng ki tơdjâk troh dêi pơreăng troh ‘na pêi chiâk, tê mơdró ƀă tơdroăng rêh ối dêi kuăn pơlê, malối a kơpong ki tâ pơreăng; tô tuăn hlo tơdroăng mơngế kong têa ê mot hmâng vâ a Việt Nam ƀă tối tơbleăng inâi hơnăm tíu ối oh tá tro khât.

Pâ thế Kuô̆k hô̆i, Chin phuh, mâu khu xiâm, kơvâ cheăng, kong pơlê pơtối pêi pro mâu troăng hơlâ ‘mâi mơnhông cheăng kâ, tơniăn tung rêh ối pơlê pơla tung pơla dế ai pơreăng Covid-19 tâ tú rơ-iô; tơkâ luâ tơdroăng pá ki u ối tung hnê hriâm, khăm pơlât, mơhno túa lĕm tro, rêh ối pơlê pơla; rak ngăn tơnêi tơníu ƀă rak vế hyôh kong prâi ƀă pêi tơ-ƀrê tâ nếo tơdroăng hbrâ mơdât kâ kơluâ, mơ’nhiê liăn hmâng vâ ƀă hên tơdroăng ki ê.

Gương tơplôu ƀă tơbleăng