VOV4.Sêdang - Tung hâi apoăng pơxiâm pêi rak tơniăn troăng prôk drêng vâ troh hâi leh kân lơ 30/4 ƀă lơ 1/5, kring vế hâi tâ phĭu rah xo kăn Kuô̆k hô̆i hneăng 15 ƀă mâu kăn hnê ngăn Hô̆i đong kuăn pơlê rêm râ hneăng hơnăm 2021–2026, kăn sát gak troăng prôk tung lâp tơnêi têa hiăng séa ngăn, châ hlo ƀă pơxâu phak vâ  chê 9 rơpâu ngế ki pro xôi luât tơniăn drô troăng prôk, pơxâu phak liăn vâ chê 20 rơtal liăn.

Ki rơhêng vâ tối, mâu khu râ pơkuâ cheăng hiăng châ hlo ƀă pâk lối 600 ngế vê rơxế tung châ ai têa drôu, 5 ngế pro xôi tơdroăng pơkâ tung châ ai chik ma tŭi. Tung kơvâ ‘na troăng rơxế lơ treng, mâu tíu pêi cheăng dêi Kăn sát gak troăng prôk hiăng tơkŭm mơjiâng hên khu pêi cheăng séa ngăn, tí tăng ‘nâi mâu tơdroăng rak tơniăn troăng prôk a troăng ki mơgăn cho troăng prôk luâ, 5 khu rơxế lơtreng ki chơ tơmối; pêi tro tiô luât pơkâ hbrâ mơdât pơreăng COVID-19.

Tung kơxo lơ 16/4, Khu ki lăm séa ngăn troăng prôk hiăng châ hlo 4 ngế ki vê rơxế tung châ dương tính ma tŭi ƀă ai têa drôu tung hâi apoăng pơxiâm pơkâ séa ngăn a troăng kân tơdrăng ing Hà Nội - Thái Nguyên. Tiô pơkâ kơxô̆100/2019/NĐ-CP dêi Chin phuh pơkâ pơxâu phak mâu ngế ki pro xôi luât ‘na prôk drô troăng kân, troăng rơxế lơ treng, vê rơxế tung châ ai ma tŭi, mâu ngế ki pro xôi luât kô tro phâk sap 30-40 rơtuh liăn, xo hlá mơ-eá vê rơxế sap ing 22- 24 khế.

Gương tơplôu ƀă tơbleăng