Pôa Trần Thanh Mẫn, Ngế cheăng tung Khu xiâm pơkuâ hnê ngăn Đảng, Kăn xiâm hnê ngăn Vi [an Măt tra#n tơnêi têa Việt Nam tối ăm ‘nâi: Sap ing hneăng hôp má 5 troh nôkố, Măt tra#n tơnêi têa Việt Nam hiăng châ tơku\m xo châ 2 rơpâu 976 rơkong tơpui tối, tơdroăng pâ thế dêi kuăn pơlê tung lâp tơnêi têa ki pơtroh ăm Kuo#k ho#i. Tung mê, ai 365 rơkong tơpui, pâ thế châ tối tơbleăng ăm mâu kăn Kuo#k ho#i a mâu kong pơlê [ă 2 rơpâu 611 rơkong tơpui, tối pâ thế dêi kuăn pơlê hiăng châ tối tơbleăng ăm Măt tra#n tơnêi têa Việt Nam rêm râ.

Kuăn pơlê ‘ló mơnê kân khât tơdroăng ki pơkuâ djâ hnê tối dêi Đảng, Tơnêi têa tung tơdroăng ‘mâi rơnêu hnoăng cheăng dêi khu pơkuâ ngăn cheăng kal kí [ă mơdêk ki rơkê ple\ng dêi khu kăn [o#, ko\ng chưk, viên chưk; thăm mơdêk hnoăng cheăng ki vâ djâ troăng ahdrối, ki rơkê tơtro dêi rêm ngế kăn, mâu kăn [o#, đảng viên, la ki ahdrối tâ, mơngế ki cheăng tung Khu xiâm kal kí, Ngế cheăng tung Khu xiâm pơkuâ hnê ngăn Đảng, Ngế cheăng tung Khu kăn xiâm pơkuâ hnê ngăn Đảng.

Ai hên hnoăng cheăng ki kâ kơluâ, kâ kơhveăm, pro xôi tung hnoăng pơkuâ ngăn, xúa tơnêi tíu, kế tơmeăm tơdjuôm hiăng châ séa mơnhên ngăn, pro mơhno, tí tăng ngăn vâ teăm re\ng tơleăng mơnhên, mơjiâng hiâm tuăn loi tơngah tung kuăn pơlê; ai mâu tơdroăng ki lăm săm tối ki krâm, ki ai tơdroăng pá puât ton khế, ton hơnăm dế kố hiăng châ tơleăng mơnhên.

Maluâ ti mê, pak^ng mâu tơdroăng ki tơtro, kuăn pơlê ối tô tuăn ‘na môi tơdroăng ki kân, môi tiah: Tơdroăng pêi cheăng kâ trâm hên pá puât, pơloăng mơnúa; yă liăn ôh tá kơnâ, kế tơmeăm tê ai yă kơnâ xuân u ối hlo a hên tíu; kế tơmeăm pêi lo vâ châ mơ’no tê dêi hên kơvâ cheăng tá hâi teăm hên; thăm nếo, tơdroăng cheăng kâ mê ối chu kơdroh, ôh tá teăm tơdrêng tung po troăng hơlâ ki nếo vâ xúa mâu hnoăng cheăng khoa hok kih thuât, cheăng kơmăi kơmok ki ó rơdêi; pro ‘mêi troh hyôh kong prâi, tơnêi tíu, pro hơ’lêh ‘na kong prâi tô hngíu, khía mơhot kân, têa rơlêa lân kân, tô mơdrăng khăng khoăng, têa xăng po lân mot, pá tung hbrâ mơdât hdrối, ai túa ki tơdjâk kân ó troh tơdroăng pêi chiâk pêi deăng [ă rêh kâ ối dêi kuăn pơlê.

Mâu ngế cheăng tung Vi [an hnê ngăn Kuo#k ho#i ki xiâm cho hiăng vâ môi tuăn [ă tơdroăng tối tơbleăng, rơkong púi vâ dêi kuăn pơlê. Maluâ ti mê, pôa Nguyễn Văn Giàu, Ngế xiâm ngăn ‘na Vi [an tơpui kâ [ă kong têa ê dêi Kuo#k ho#i ối tô tuăn ‘na tơdroăng pêi chiâk pêi deăng, tơdroăng rêh ối a thôn pơlê:

‘’Ôh tá ai hneăng ki lâi drêng trâm, tơpui tơno [ă kuăn pơlê, kô châ tâng kuăn pơlê tối hên ‘na tơdroăng pêi chiâk deăng, ‘na rêh ối thôn pơlê. Tiô tối tơbleăng ăm ‘nâi, tơdroăng pêi chiâk deăng hiăng mơnhông to a kơlo ki kân, tơdroăng ki ôh tá châ pêi lo kế tơmeăm hiăng kơdroh châ 0,68, tơdroăng ki pêi lo hên kế tơmeăm ai 3,5%, tâk a kơlo ki hên má môi tung plâ 12 hơnăm hiăng luâ. La tơdroăng ki vâ tối akố, tâng tung plâ 17-18 hơnăm kố, hnoăng pêi chiâk pêi deăng dêi Việt Nam hiăng châ mơnhông re\ng ‘nâng la pơchông ngăn [ă kơlo ki pơkâ thế môi tiah kơvâ cheăng ki ê, ga chu a’nâi, kơtăn hơngế ó ‘nâng.

Á pâ thế mâu khu râ, kơvâ cheăng, Chin phuh, Khu xiâm ngăn ‘na chiâk deăng kal ai troăng hơlâ ki rơdêi ó luâ tâ kơ mê tung mơ’no liăn mơjiâng hngêi pêi cheăng, hngêi kơmăi, troăng prôk, tơmeăm khoăng ai tơdjâk ‘na pêi chiâk deăng, vâ ing mê, khoh tơ’mot hên khu mơdró kâ veăng kum ăm kơpong pêi chiâk deăng châ mơdêk tâ kơ mê nếo’’.

Pôa Nguyễn Thanh Hải, Ngế xiâm hnê mơhno tiô hiâm mơno pói vâ kuăn pơlê dêi Kuo#k ho#i tối ăm ‘nâi, kuăn pơlê tá hâi lap tuăn, tơkéa vâ tối tá hâi vâ môi tuăn, xua lơ ai tơdroăng ‘’kâ kơluâ ku ku\n’’ troh nôkố tá hâi hlo kơdroh, ai hên khu mơdró kâ [ă kuăn pơlê athế mơ’no dêi liăn ngân pak^ng tơdroăng pơkâ xiâm drêng chêh bro mâu hlá mơ-éa. Mâu tơdroăng pêi pro ôh tá tro kố hmâ trâm hlo, tâng ‘nâi klêi kơ’nâi ai rơkong tơpui tối dêi kuăn pơlê, lơ ing khu chêh hlá tơbeăng, rơ’jíu, um tơvi, tâng vâ tối, tá hâi tá châ ‘nâi nhên tung khu pơkuâ cheăng, vâ re\ng teăm hbrâ mơdât, [ă teăm hnê tối mâu kăn [o#, ko\ng chưk:

‘’Tơdroăng ki kuăn pơlê hmâ châ trâm rêm hâi, mê cho tơdroăng kâ kơluâ, kâ kơhveăm ku ku\n, ki kuăn pơlê hmâ hlo, hmâ tro pơklât thế ăm liăn ngân. Kuăn pơlê hâk nâ ‘nâng ki hiăng tơ-[rê dêi tơdroăng ki kơdo mơ-eăm tơplâ mơdât kâ kơluâ, kâ kơhveăm a mâu tơdroăng ki kah kân. La kuăn pơlê ối hlo drăng tíu kố, tíu tá, xuân u ối rơkong tơpui, túa pêi cheăng ki pro mơnheăn, tơvâ tơvân, hlo dêi tơná pro kăn vâ pro ti lâi xuân chiâng, pơkâ thế kuăn pơlê nâp liăn ki kố ki mê, mâu tơdroăng kố xuân u ối, [ă hmâ tâng kuăn pơlê tơpui tối hên ‘nâng’’.

Pôa Đỗ Bá Tỵ, Kăn pho\ hnê ngăn Kuo#k ho#i tối tiah kố: Mâu rơkong ki tơpui tối, pâ thế dêi kuăn pơlê pơrá cho mâu tơdroăng ki kân dêi pơlê pơla, tung mê, ai mâu tơdroăng ki xiâm ki dế ối tô tuăn păng ‘nâng, u ối hlo kal athế ai troăng hơlâ ki vâ tơleăng mơnhên, pêi pro i tơ-[rê. Maluâ ti mê, vâ kring vế tơniăn, tu\m têk, rêm lâp kơvâ cheăng, mê khu pơkuâ kal athế pơtối séa mơnhên ngăn, vâ mơnhên tối i nhên tâ ‘na mâu tơdroăng ki hiăng chêh tơku\m xo ing rơkong pói vâ, pâ thế dêi kuăn pơlê, [ă mâu tơdroăng ki tá hâi tơtro tiô tuăn hiâm kuăn pơlê pói vâ ki păng ‘nâng, kal athế bro mơnhên, tơpui tối i tơleăng, tro túa, tro tơdroăng a ngiâ kuăn pơlê.

Lại Hoa chêh

Nhat Lisa tơplôu [ă tơbleăng