VOV4.Sêdang - Vi ƀan hnê ngăn kong pơlê Dak Lak ai hlá mơ-éa chêh pơtroh ăm mâu tơring, pơlê kong kơdrâm hnê mơhno thế pơtê pơtân tơdroăng tê mơdró (Tíu mơdró ôu kâ, mâu tíu tuih xuâng, tíu xah billars, karaoke, tíu pơtâp tuih, tíu mơđah phim, tíu ăm vâi o xah hêi....) sap lơ 4/5/2021.

Ƀă mâu tíu mơdró kâ ki ê chiâng phêp mơdró la thế pro kơtăng tro tiô luât hbrâ mơdât pơreăng. Mâu tơdroăng tơkŭm pú hên (‘na tơdroăng to khôp, ôu pơkŏng, ôu kâ hêi, tơkŭm ôu kâ kot mâ, hneăng hôp kân...) thế pêi pro kơtăng tơdroăng 5K (5 thế),  séa ngăn nhên mâu ngế ki veăng tơkŭm mê (malối cho mâu ngế ki nếo lo ing kơpong ai tâ pơreăng.).

Kuăn pơlê lo ing mâu tơring cheăm tung kong pơlê ki dế klâ krê dêi mâu kong pơlê,  pơlê kong kân  (séa ngăn vâ ’nâi tơdroăng tơbleăng dêi Khu xiâm ngăn pơkeăng  ƀă Vi ƀan hnê ngăn dêi mâu kong pơlê thế lăm troh a hngêi pơkeăng ki achê vâ tơbleăng dêi tơná ƀă pêi pro tơdroăng klâ krê a hngêi tro tiô pơkâ.

Gương tơplôu ƀă tơbleăng