VOV4.Sêdang - Kơxo lơ 9/4, pôa Phan Văn Đa, Kăn phŏ hnê ngăn Vi ƀan kong pơlê Lâm Đồng hiăng trâm mâ hlối pêi cheăng ƀă pôa Kari Kahiluoto, Kăn teăng mâ Phần Lan.  A rôh tơpui tơno pôa Kari Kahiluoto tơpui tơbleăng mâu tơdroăng cheăng ki rơdêi tơmeăm ki ai hlâu tung tơrŭm cheăng pơla Phần Lan ƀă Lâm Đồng môi tiah rak ngăn kơnhŏng têa, têa krúa ƀă rak vế hyôh kong prâi, pơliê mâu tuih xok ƀă hên ki ê. Kăn teăng mâ xuân tơpui ‘na mơdêk tơrŭm cheăng ‘na tơdroăng tơkêa pro tah têa ‘mêi  ki Phần Lan dế tơmâng khât a pơlê kong kơdrâm Bảo Lộc ƀă tối púi vâ kong pơlê tơmâng rĕng pro tơdroăng tơkêa bro mê tung la ngiâ.

Rôh trâm mâ tơpui tơno

Kăn phŏ hnê ngăn Vi ƀan kong pơlê Lâm Đồng mơnê hneăng lăm pôu ƀă tơpui tơno cho rôh tơrŭm cheăng dêi Kăn teăng mâ ƀă khu kăn ki pêi cheăng. Pôa xuân ăm ‘nâi, Lâm Đồng nôkố dé mơ-eăm mơnhông cheăng kâ tung hên tơdroăng, tung mê ai mâu tơdroăng ki kong pơlê Lâm Đồng nôkố dế kal mơ-eăm kơjo kum  hnê pêi xuân môi tiah tơrŭm ‘no liăn cheăng ing peăng Phần Lan môi tiah mơjiâng pơlê kong kân rơkê plĕng a Đà Lạt ƀă Bảo Lộc, rak ngăn kơnhŏng têa, mơ’no tah têa ‘mêi, rak ngăn kong ƀă kơmăi kơmok.

Gương tơplôu ƀă tơbleăng