VOV4.Sêdang - Hâi lơ 13/10, jâ Trương Thị Ngọc Ánh, Kăn xiâm phŏ hnê ngăn Vi ƀan xiâm Măt trâ̆n tơnêi têa Việt Nam hiăng kĭ pơkâ xing xoăng kơxô̆ liăn 8 rơtal liăn vâ kum kuăn pơlê ing kơpong tâ pơreăng COVID-19  vêh ing mâu kong pơlê Sóc Trăng, An Giang, Đồng Tháp, Kiên Giang, Bình Định riân sap ing hâi lơ 1/10/2021. Ing mê, kum kong pơlê Sóc Trăng 2 rơtal liăn, kong pơlê An Giang 2 rơtal liăn, kong pơlê Đồng Tháp 1 rơtal liăn, kong pơlê Kiên Giang 2 rơtal liăn , Bình Định 1 rơtal liăn.

Mâu ngế châ tŏng kum cho mâu kuăn pơlê ki vêh dêi pơlê lo ing kơpong ai pơreăng COVID-19: Pơlê kong kân Hồ Chí Minh, kong pơlê  Bình Dương, Đồng Nai, Long An trâm pá ƀă thế klâ ối kơtăn, tung mê kum ahdrối kuăn pơlê cho hdroâng kuăn ngo, vâi hdrêng kuăn tê, mâu hơnăm hiăng krâ ki ôh tá ai ngế păn roăng xua pơreăng COVID-19. Kơlo tŏng kum ƀă mâu kuăn pơlê ki prếo vêh ing kơpong tâ pơreăng COVID-19 ai 300 rơpâu liăn môi ngế. Tung pơla kuăn pơlê prếo vêh châ tŏng kum ing hâi lơ 1/10/2021.

Gương tơplôu ƀă tơbleăng