VOV4.Sêdang - Kơxo lơ 15/3, a Hà Nội, pơxiâm po rôh hôp 54 dêi Vi ƀan pơkuâ Kuô̆k hô̆i. Ăm rơkong veăng tơpui tối ‘na hlá mơ-éa ki mơgêi hnoăng cheăng dêi hneăng hơnăm 14 dêi Kuô̆k hô̆i, Vi ƀan pơkuâ Kuô̆k hô̆i mơnhên tối, hnoăng cheăng tối leăng dêi mâu Kuô̆k hô̆i gá tơtro, pêi pro châ tơdroăng ki rơhêng vâ dêi kuăn pơlê.

Tiô jâ Nguyễn Thị Kim Ngân, Kăn xiâm hnê ngăn Kuô̆k hô̆i tối, Kuô̆k hô̆i hneăng má 14 cho hneăng ki tơ-ƀrê má môi hnoăng cheăng châ Đảng, kuăn pơlê pơcháu. Ƀă 1 hneăng hôp, rêm khế Vi ƀan pơkuâ Kuô̆k hô̆i pơrá hôp, tá hâi tối mâu rôh hôp ki kal ki hdrối mê pơkâ thế dêi tơnêi ƀă Chin phuh vâ pơkuâ tơdroăng cheăng ki ôh tá tro pơtê.

Jâ Nguyễn Thị Kim Ngân tối nhên tơdroăng ki tơpui leăng dêi mâu kăn Kuô̆k hô̆i, pêi pro châ tơdroăng ki rơhêng vâ dêi kuăn pơlê.

Katarina Nga tơplôu ƀă tơbleăng