VOV4.Sêdang - Măng t^ng hdrối, [ă tơdroăng ki pơkuâ xiâm dêi pôa Vương Đình Huệ, Kăn xiâm hnê ngăn Kuo#k ho#i, Vi [an pơkuâ Kuo#k ho#i hiăng hôp tơdrêng vâ veăng tơpui tối ‘na hlá mơ-éa pơkâ dêi Chin phuh ‘na pêi pro mâu troăng hơlâ hbrâ, mơdât pơreăng COVID-19 tiô pơkâ kơxo# 30 dêi Kuo#k ho#i ki pơkâ a Hneăng hôp má môi, Kuo#k ho#i hneăng má 15. Klêi mê, Kuo#k ho#i hiăng pơkâ mâu tơdroăng kal ki ê [ă pơkâ dêi luât ‘na hnoăng cheăng hbrâ mơdât pơreăng COVID-19.

Kơmăng lơ 5/8 kố nah, Ngế pro xiâm hnê ngăn Chin phuh hiăng kĭ Hlá mơ-eá kơxô̆ 1067 pâ thế veăng hnê tối dêi Vi ƀan Pơkuâ cheăng Kuô̆k hô̆i ‘na mâu troăng rơhlâ pêi tơdrêng tung hbrâ mơdât pơreăng COVID-19, troh a hâi lơ 6/8, Chin phuh pơtối ai Hlá mơ-éa pâ thế hnê tối dêi Vi ƀan Pơkuâ cheăng Kuô̆k hô̆i ăm phêp Chin phuh pơkâ mâu troăng rơhlâ pêi pro tơdrêng mâu pơkâ dêi Luât.

Ing mê, séa ngăn hlá mơ-éa Pơkâ dêi Chin phuh, mâu ngế cheăng tung Vi ƀan Pơkuâ cheăng Kuô̆k hô̆i hiăng vâ môi tuăn ƀă 4 tơdroăng ki nếo Phá tâ pơkâ dêi luât nôkố lơ hnoăng cheăng chiâng pêi dêi Vi ban Pơkuâ Kuô̆k hô̆i, tiô pơkâ kơxô̆ 30 dêi Kuô̆k hô̆i.

Mê cho, ăm phêp mâu Khu xiâm ngăn pơkeăng pơlât, Khu pơkuâ ngăn lêng, Kŏng an, Vi ƀan mâu kong pơlê pơkâ mơjiâng tíu tơdah xo ăm ối, pơlât mâu ngế ki tâ pơreăng COVID-19. Pakĭng mê, cho hlá mơ-eá ăm phêp chiâng pêi cheăng ƀă pâ tơ’nôm hâi khế pơkâ ki xêt dêi tơdroăng chêh mê, troh tâi hơnăm 2022 ƀă bú chiâng xúa drêng ai tơdroăng kal tơdrêng tung hbrâ mơdât pơreăng COVID-19 tiô pơkâ hbrâ mơdât ƀă tơdroăng ki hlo ai khât a tơrêm kong pơlê tơring ki mê.

Vi ƀan Pơkuâ cheăng Kuô̆k hô̆i vâ ƀă tơdroăng chêh tung hlá mơ-eá Pơkâ, tơdroăng nâp liăn khăm pơlât ăm mâu ki tâ pơreăng COVID-19, tá kơxô̆ liăn pơlât mâu tơdroăng châi ki ê tung pơla pơlât COVID-19 xua hngêi rak liăn tơnêi têa rak tơniăn. Laga, Vi ƀan Pơkuâ cheăng Kuô̆k hô̆i thế ƀă mâu ngế ki tâ COVID-19, lơ tung châ ối ai tơdroăng châi ki ê (môi tiah nŭm nheăn, châi plâi nuih, kơkốu...) mê tơdroăng riân kơxô̆ liăn khăm pơlât ƀă mâu tơdroăng châi mê thế pêi pro tro tiô pơkâ dêi Luât a {aoh hiêm khăm pơlât ƀă mâu pơkâ ki ê.

Vi ƀan pơkuâ cheăng Kuô̆k hô̆i vâ môi tuăn pơcháu ăm Khu kăn Hô̆i đong hnê ngăn kuăn pơlê pơkâ mâu tơdroăng tro ‘na hnoăng cheăng dêi Hô̆i đong hnê ngăn kuăn pơlê ƀă tơbleăng Hô̆i đong hnê ngăn kuăn pơlê a rôh hôp ki achê má môi vâ tơniăn tơtro ƀă tơdroăng rêh ối dêi hên kong pơlê dế trâm pá dế pêi pro mâu pơkâ brâ mơdât pơreăng kơtăn môi tiah ôh tá ăm tơkŭm pú hên, ối kơtăn hơngế dêi rơpó.

‘Na tơdroăng mê, Vi ƀan Pơkuâ cheăng Kuô̆k hô̆i thế mơdêk hnoăng pơkuâ hnê, séa ngăn kơtăng dêi mâu khu râ kăn a kong pơlê tung tơdroăng pêi pro, vâ ví xua mâu pơkâ ki mê vâ pơkâ mâu tơdroăng ôh tá kal khât, ôh tá tơdjâk troh tơdroăng cheăng hbrâ mơdât pơreăng COVID-19 a kong pơlê.

Vi ƀan pơkuâ cheăng Kuo#k ho#i pơkâ mâu tơdroăng pêi pro tơdrêng tung hbrâ mơdât pơreăng COVID-19

Xông tơpui a rôh hôp, pôa Vương Đình Huệ, Kăn xiâm hnê ngăn Kuô̆k hô̆i tối tiah kố, tơdroăng pơkâ mê cho kal khât, kal pêi tơdrêng tung pơla dế ai pơreăng tâ tú rế rơ-iô, pá vâ ‘nâi hdrối, pro tâ tú hên tung kong pơlê, pơlê kong kân, malối mâu kong pơlê peăng Hdroh tơnêi têa:

“Tung hlá mơ-éa pơkâ ôh tá chiâng chêh mâu tơdroăng ki ôh tá ‘nâi nhên môi tiah tơdroăng ki rĕng tâ, lơ hên tâ, ví tơdroăng ah lơ hlê ôh tá tro, ôh tá môi tiah dêi rơpó chiâng pá ăm kong pơlê tung tơdroăng vâ xúa pêi pro, thăm nếo kô pro hmâng vâ. Ki khât gá ăm hlo, tơdroăng pơkâ mê gá tro, la ai drêng ki ‘nâ kong pơlê pêi pro hên tơdroăng, pro pá, kong pơlê kô pro xêh tiah kố, kong pơlê ki tá pro xêh tơ-ê.

Troh mơ’nui chiâng tơvâ tơvân tung tơdroăng tê mơdró mâu tơmeăm ƀă ‘na tơdroăng prôk lăm dêi kuăn pơlê, malối cho hlá mơ-eá ăm phêp rơxế kơtâu, ƀă ôh tá ăm phêp rơxế kơtâu. Tung la ngiâ kố ah, pâ thế Chin phuh pơtối hnê mơhno tí tăng ngăn nhên mâu tơdroăng pơkâ chêh tung hlá mơ-eá hdró nhên mâu tơdroăng ki lâi ki pơkâ dêi Chin phuh, ki lâi dêi Ngế pro xiâm hnê ngăn Chin phuh.

Séa ngăn klâ xoăng hnoăng cheăng ki kơtăng tâ ăm kong pơlê, malối cho tung tơkŭm pêi pro. Mâu tơdroăng ki kal pêi tơdrêng, mê mâu kăn hnê mơhno pêi túa pêi pro tơdroăng ki cho kal khât. Malối tung tơdroăng tơkŭm pêi, lơ mâu tơdroăng ki Chin phuh, Ngế pro xiâm hnê ngăn Chin phuh hiăng pơkâ, ví tơdroăng  ‘’Tơpui ti kố, la pro phá tơ ê’’.

Kăn xiâm hnê ngăn Kuo#k ho#i tối tơbleăng mơgêi a hneăng hôp

Klêi mê, pôa Vương Đình Huệ, Kăn xiâm hnê ngăn Kuô̆k hô̆i hiăng kĭ pơkâ kơxô̆ 268 ‘na ăm phêp Chin phuh pơkâ mâu tơdroăng ki pơrá phá ƀă tơdroăng pơkâ dêi Luât vâ ai tiô pơkâ, hbrâ mơdât pơreăng COVID-19. Ing mê, Kuô̆k hô̆i vâ môi tuăn ƀă tơdroăng pơkâ dêi Chin phuh ‘na troăng rơhlâ pêi tơdrêng tung hbrâ mơdât pơreăng COVID-19 tiô pơkâ kơxô̆ 30/2021/QH15 hâi lơ 28 khế 7 hơnăm 2021 dêi hneăng 15.

Tung mê, ai mâu tơdroăng kal kơ’nâi kố: Pơkâ mơjiâng tíu tơdah xo pơlât mâu ngế ki tâ tú pơreăng COVID-19 hlối cho hlá mơ-eá phêp ăm pêi cheăng; Pơcháu ăm Khu xiâm ngăn pơkeăng pơlât châ pơkâ pro mâu hlá mơ-eá tung tơdroăng tơbleăng tiô hlá mơ-eá pro ăm chêh ‘nâng ‘nâi vâ ai tiô pơkâ tơdrêng dêi tơdroăng hbrâ mơdât pơreăng; Pơcháu ăm khu kăn Hô̆i đong hnê ngăn kuăn pơlê pơkâ mâu tơdroăng dêi râ tơná chiâng pêi dêi Hô̆i đong hnê ngăn kuăn pơlê ƀă ti tơbleăng Ho#i đong hnê ngăn kuăn pơlê a hneăng hôp ki achê tâ.

Ƀă tơdroăng thế pơkâ ăm liăn khăm pơlât ăm mơngế tâ COVID-19 a mâu tíu tơdah xo, pơlât mâu ngế tâ COVID-19 (tá kơxo# liăn pơlât mâu tơdroăng châi ki ê tung pơla pơlât COVID-19) xua liăn ngân tơnêi têa rak tơniăn tiô kơxo# liăn ki pơlât, Chin phuh pơtối hnê mơhno tiô troăng hơlâ liăn ngân tơnêi têa ai hnoăng ăm tâi kơxo# liăn khăm pơlât, tơdjâk troh pơlât COVID-19; [ă ngế ki tâ COVID-19 ai mâu tơdroăng châi ki ê tơdroăng ăm liăn khăm pơlât [ă mâu ngế ai tơdroăng châi mê pêi pro tro tiô pơkâ dêi Luât hbrâ mơdât pơreăng, mơdât pơreăng tâ tú tiô mơheăm, Luât {aoh hiêm khăm pơlât [ă mâu pơkâ ki ê dêi luât ai tơdjâk troh. Tơdroăng pơkâ mê kô xêt khât sap hâi lơ 6/8/2021.

VOV1

Gương tơplôu ƀă tơbleăng