VOV4.Sêdang - A kơxê lơ 15/3, Vi ƀan pơkuâ Kuô̆k hô̆i ăm hnê tối ‘na tơdroăng tơbleăng ăm ‘nâi séa ngăn ‘na tối mơnhên tơdroăng pâ thế dêi kuăn pơlê pơtroh a rôh hôp má 10, Kuô̆k hô̆i hneăng 14; tơbleăng mơgêi tơdroăng hnê tối pâ thế dêi kuăn pơlê ƀă kuăn pơlê pơtrroh ăm rôh hôp má 11, Kuô̆k hô̆i hneăng 14.

Vi ƀan pơkuâ Kuô̆k hô̆i tối: 5 khu tơdroăng kal ‘na tuăn tơmiât, tơdroăng púi vâ ‘na tơdroăng hnê tối dêi kuăn pơlê cho tro khâp, xuân cho mâu tơdroăng ki kân dêi pơlê pơla châ kuăn pơlê tơmâng. Pakĭng mâu tơdroăng ki tro ƀă hâi tro hlá mơ-eá chêh vâ tối tơbleăng xuân ai chêh mâu tơdroăng kal thế pơkâ troăng hơlâ vâ teăm tơleăng mơnhên tơ-ƀrê, tơniăn tŭm tâi tâng, thế pơtối séa ngăn, tối nhên.

Vi ƀan pơkuâ Kuô̆k hô̆i vâ môi tuăn 5 khu tơdroăng veăng hnê tối, pâ thế hiăng châ chêh ‘mot tơchoâm tung hlá mơ-eá, tung mê, ai hên tơdroăng tơdjâk troh tơbleăng pơkâ hneăng hôp Đảng roh má 13. Hbrâ ƀă tơkŭm po klêi hneăng tâ phĭu rah xo kăn Kuô̆k hô̆i hneăng 15 ƀă Hô̆i đong kuăn pơlê rêm râ hneăng 2021-2026.

Tối mơgêi rôh hôp má 54, jâ Nguyễn Thị Kim Ngân, Kăn xiâm hnê ngăn Kuô̆k hô̆i tối nhên: môi tung mâu tơdroăng ki kal cho tơdroăng cheăng ‘na mơngế vâ tơbleăng inâi mâu kăn xiâm a roh hôp má 11, thế mâu kơ koan hbrâ tŭm bă cho mâu pơkâ vâ tơbleăng, tâ phĭu, ôh tá pôk ƀă kĭ vâ tơniăn tro tiô luât pơkâ ƀă luât tơnêi têa.

Gương tơplôu ƀă tơbleăng