VOV4.Sêdang - Khu kăn ki pêi dêi hnoăng cheăng Vi ƀan xiâm Măt trâ̆n Tơnêi têa Việt Nam xua pôa Phùng Khánh Tài, kăn phŏ hnê ngăn tơnêi têa pro kăn pơkuâ djâ khu kăn kố nếo ai rôh pêi cheăng ƀă kong pơlê Lâm Đồng ‘na séa ngăn hnoăng cheăng tâ phĭu pôk kăn cheăng tung Kuô̆k hô̆i hneăng má 15, kăn Hô̆i đong hnê ngăn rêm râ hơnăm 2021 – 2026. Hvái ngăn tơdjuôm mâu hnoăng cheăng ki hbrâ ăm rôh tâ phĭu a Lâm Đồng sap ing râ kong pơlê troh râ tơring ƀă râ cheăm hiăng châ pêi pro tro tơdroăng pơkâ.

Khu pơkuâ ngăn Đảng, Hô̆i đong hnê ngăn kuăn pơlê, Vi ƀan hnê ngăn, Vi ƀan tâ phĭu, hriăn plĕng mâu tơdroăng ki nếo tâng vâ pơchông ƀă hneăng cheăng 2016 – 2021 vâ tơkŭm pêi pro tro tơdroăng, hâi khế pơkâ, malối cho tơdroăng ki séa ngăn mâu tơdroăng ki kal châ pơkâ tung luât, ing mê, hnê mơhno tơbleăng pêi pro a kong pơlê vâ ví tơdroăng ki kơdrâ.

Vi ƀan xiâm Măt trâ̆n Tơnêi têa Việt Nam séa ngăn hnoăng cheăng tâ phĭu a Lâm Đồng

Pôa Phùng Khánh Tài tơmâng xo, mơnhên tối khât hnoăng cheăng hbrâ ăm rôh tâ phĭu dêi kong pơlê Lâm Đồng. Khu pơkuâ ngăn Đảng, Hô̆i đong hnê ngăn ƀă Vi ƀan tâ phĭu kong pơlê rơtế ƀă khu pơkuâ ngăn Măt trâ̆n rêm râ hiăng hnê mơhno, pơkâ mâu hlá mơ-éa, túa pơkâ tơdrêng, tơkŭm po mâu rôh hôp tơkêa tro pơkâ, tro tơdroăng pơkâ mơ’no.

Lâm Đồng kal pơtối mơdêk mâu tơdroăng ki hiăng pêi pro klêi, pêi pro rak tơniăn hâi khế ƀă tơdroăng pêi pro mâu hnoăng cheăng ki pơtối vâ hnoăng cheăng a kong pơlê châ pêi pro tơniăn lĕm má môi.

Gương tơplôu ƀă tơbleăng