VOV4.Sêdang - Hlo rơ-iô tâ tú dêi pơreăng COVID-19, mê kơxê lơ 31/5, Vi ƀan kong pơlê Lâm Đồng hiăng ai hlá mơ-eá pơtroh tơdrêng ‘na tơdroăng pơtối tơbleăng pêi kơtăng mâu pơkâ hbrâ mơdât pơreăng. Vi ƀan kong pơlê Lâm Đồng thế mâu tíu pêi cheăng, khu râ , kơvâ cheăng, khu grup, mâu khu tơrŭm cheăng kal kí pơlê pơla, Vi ƀan mâu tơring, pơlê kong kơdrâm tung kong pơlê tơbleăng pêi kơtăng mâu pơkâ hbrâ mơdât pơreăng COVID-19.

Lâm Đồng dế pêi tơdroăng séa ngăn pơreăng a mâu tíu gak ngăn a hơlâ troăng vâ mot tung kong pơlê

Tung mê, thế tâi tâng mâu ngế ki lo ing tiú ê troh xuân pêi pro mâu pơkâ klâ krê tơchoâm tung 21 hâi, riân sap ing 17h kơxê lơ 31/5. Mâu ngế ôh tá rak vế pêi pro kô pơxâu phâk tiô pơkâ. Krê mâu ngế ki vêh ing kơpong klâ krê, ối hơngế pơlê a Pơlê kong kân Hồ Chí Minh ƀă mâu kong pơlê Bắc Giang, Bắc Ninh... sap lơ 18/5 troh nôkố, thế tối tơbleăng inâi, tíu ối tơná, séa ngăn ivá a hngêi ƀă  tơhrâ ôh tá ăm lo pá kong hngêi tâng hâi teăm châ 14 hâi.

Mâu ngế troh a Lâm Đồng xuân thế pêi pro tơdroăng tối inâi, tíu ối tơná

Tơdrêng amê, Vi ƀan kong pơlê Lâm Đồng hnê mơhno pơtê pơtân tâi tâng tơdroăng chơ tơmối ing Pơlê kong kân Hồ Chí Minh vêh ngi Lâm Đồng. Mâu tơdroăng ôu pơkŏng, po leh kot mâ, xuân thế pơtê, ‘mế kiâ ôh tá chiâng tơkŭm pú hên luâ 30 ngế ối môi tíu ƀă pêi pro kơtăng 5k. Tung pơla kố, Lâm Đồng ôh tá tơleăng ăm kăn ƀô̆ ƀă mơngế pêi cheăng lo pá kong hơngế ing kong pơlê tơná.

Gương tơplôu ƀă tơbleăng