VOV4.Sêdang - A hneăng hôp tơpui ‘na khoa hok tí tăng ‘nâi ple\ng mơdêk pro pơkeăng vaccine hbrâ mơdât pơreăng ăm mơngế a Việt Nam po a kơxo lơ 28/8 a Hà Nội, Khu xiâm ngăn pơkeăng [ă khăm pơlât hiăng mơjiâng pro klêi pơkeăng vaccine pơlât tơngê tiô rơnó vâ hơ’lêh a vaccine ki rôe ing kong ê.

Tiô tối hdrối, vaccine kô châ tê tung tơnêi têa apoăng hơnăm 2019 [ă hiăng châ Khu tơru\m cheăng ngăn ‘na pơkeăng lâp plâi tơnêi WHO chêh inâi vâ rôe. Tiô pôa Nguyễn Thanh Long, Kăn xiâm pho\ pơkuâ ngăn pơkeăng pơlât tối vaccine mơdât tơngê tiô rơnó xua Việt Nam mơjiâng pro kô ai yă bú tơ’mô 1/3 yă pơkeăng vaccine ki dế rôe ing kong ê.

Tung lâp plâi tơnêi nôkố ai 30 túa pơreăng hiăng ai pơkeăng vaccine  pâk mơdât. Việt Nam cho 1 tung 42 to kong tea ai mơjiâng pro pơkeăng vaccine hbrâ mơdât pơreăng, [ă ai 10 túa pơkeăng vaccine hiăng châ mơjiâng pro tung tơnêi têa.

Tiô pơkâ troh a hơnăm 2024 ah, tơnêi têa pin kô pro châ 12 túa pơkeăng vaccine, troh hơnăm 2030 ah ai 14 túa pơkeăng vaccine.

 Gưong tơplôu [ă tơbleăng