VOV4.Sêdang - Kơxo hâi lơ 04/5,  a tơriah tơ-ƀai Watay,  pơlê kong xiâm Vientiane, hiăng po Leh diâp tơmeăm dêi Đảng, Tơnêi têa ƀă kuăn pơlê Việt Nam kơjo kum Đảng, Tơnêi têa ƀă kuăn pơlê Lếo hbrâ mơdât pơreăng COVID-19. Tơpui a rôh lêh, pôa Tô Anh Dũng  tối Việt Nam đi đo rơtế ƀă Lếo ƀă tung tơdroăng tơplâ pơreăng kân COVID-19.

Loi khât ai troăng hơlâ hnê mơhno rơkê ƀă pêi kơtăng khât dêi Đảng, Tơnêi têa rơtế mơ-eăm, môi tuăn dêi mâu kơ koan khu râ pơkuâ cheăng ƀă tâi tâng kuăn pơlê, tơnêi têa Lếo nhŏng o kô rĕng kâi mơdât pơreăng COVID-19, mơnhông cheăng kâ, rêh ối ƀă pơtối mơdêk krá tơniăn ton.

Pôa Kikeo Khaykhamphithun, Ngế pro xiâm phŏ hnê ngăn kong têa Lếo xuân tối nhên, Việt Nam cho kong têa ki apoăng veăng kum liăn ngân, pơtroh mâu ki rơkê, pơtroh mâu tơmeăm xua tung khăm pơlât kum Lếo hbrâ mơdât pơreăng rôh kố. Kố cho vâ mơhno tơdroăng tơrŭm môi tuăn dêi rơpó malối tơrŭm tung tŭm tơdroăng cheăng pơla péa tơnêi têa Lếo - Việt Nam, Việt Nam ƀă Lếo.

Gương tơplôu ƀă tơbleăng