VOV4.Sêdang - Kơxo lơ 15/3, vaccine má 2 xua Việt Nam mơjiâng pro kô mơnúa pâk rôh má 1. Kố cho vaccine COVIVAC dêi Kŏng ti vaccine ƀă tơmeăm pơkeăng pơlât Nha Trang (IVAC). Tơdroăng mơnúa pâk pơkeăng kô xua IVAC tơrŭm ƀă  hngêi trung Đaị học Y Hà Nội ƀă Tíu xiâm seá ngăn mơdât pơreăng xiâm tơnêi têa pêi pro.

Tiô tơdroăng tối hdrối roh má 1 kô mơnúa pâk a 120 ngế ki pleăng tơná ivá  ối mo châ sap ing 18 troh 75 hơnăm, klâ chiâng 5 khu. Tung mê ai 4 khu pâk vaccine mâu liêu vaccine 1mcg, 3mcg, 10mcg ƀă 1mcg ai tơ’nôm tá tơmeăm pro pơkeăng.

Môi khu châ pâk pơkeăng ki ôh tá khât vâ pơchông ngăn ƀă 4 khu pâk. Rêm ngế ki pleăng tơná kô châ pâk 2 rôh, kơtăn ing rôh ki hdrối ƀă kơ‘nâi 28 hâi. Hdrối vâ mơnúa pâk ngăn, ăm hlo drêng mơnúa pâk a kuăn kiâ ƀă tung veăng mơnúa hlo tơ-ƀrê ki ‘na tơniăn, ki pơkeăng mot tung châ ƀă ki kring vế.

Gương tơplôu ƀă tơbleăng