VOV4.Sêdang - Vâ pơtối mơdêk rơdêi tơdroăng tơbleăng tơpui kâ ‘na vaccine, pôa Nguyễn Xuân Phúc, Kăn xiâm hnê ngăn tơnêi têa nếo pơtroh kơthô ăm pôa Charles Michelle, Kăn xiâm hnê ngăn Hô̆i đong châu Âu thế EU veăng kum, xoăng ‘nâ vaccine ăm Việt Nam. Tung kơthô ai chêh, pôa Nguyễn Xuân Phúc hiăng mơnê tơdroăng veăng tơmâng tŏng kum dêi Khu tơrŭm châu Âu ăm Việt Nam tung pơla hdrối kố nah, malối hiăng kum 2,4 rơtuh klŏng pơkeăng vaccine ing pơkâ pro COVAX.

Kăn xiâm hnê ngăn tơnêi têa tối nhên Việt Nam dế trâm hên tơdroăng pá vâ ai tŭm kơxô̆ vaccine ăm pâk vâ chê 100 rơtuh ngế kuăn pơlê ƀă mâu tơmeăm khăm pơlât hbrâ mơdât pơreăng. Ing mê, tơrŭm cheăng tâi tâng dế mơnhông tơ-ƀrê lĕm pơla Việt Nam ƀă EU, Kăn xiâm hnê ngăn tơnêi têa hiăng thế EU kum hên ăm Việt Nam ing hên tơdroăng tŏng kum, ăm vaccine, xoăng ‘na kŏng ngê̆ ăm mâu tơmeăm xúa khăm pơlât mâu ngế tâ COVID-19 ƀă hnê túa hbrâ mơdât pơreăng.

Gương tơplôu ƀă tơbleăng