VOV4.Sêdang - A rôh hôp tiah hmâ kơxê lơ 10/6, tiâ rơkong kơ-êng dêi ngế chêh hlá tơbeăng pơkâ thế rah xo ‘na tơdroăng ki tối tiah kố. Mih ai túa pơkâ hbru 500 rơtuh klŏng vaccine hbrâ mơdât Covid-19 ăm mâu kong têa, ngế cheăng tơpui kâ ăm Khu xiâm tơpui kâ tơnêi têa pin jâ Lê Thị Thu Hằng ăm ‘nâi Việt Nam phiu ro tơdroăng ki Mih tơbleăng tơdroăng cheăng tung la ngiâ kum vaccine Covid-19 vâ xing xoăng 25 rơtuh klŏng vaccine ki apoăng tung lâp plâi tơnêi, tung ai mâu kong têa Đông Nam Á ƀă Việt Nam.

Tung pơla ai pơreăng ôh tá tơniăn môi tiah nôkố, Việt Nam rơhêng vâ mâu kong têa ƀă mâu khu tơrŭm kong têa ê mơdêk hiâm mơno tơrŭm, pôu râng tơdroăng cheăng, mơdêk tơdroăng ki veăng kum tơdroăng kal, kơmăi kơmok, liăn ngân, khăm pơlât, malối cho vaccine vâ rơtế dêi rơpó hbrâ mơdât pơreăng ki rơ-iô kố.

Nga tơplôu ƀă tơbleăng