VOV4.Sedang - Kơmăng lơ 26/5, a Hngêi pêi cheăng Kuô̆k hô̆i, mâu kăn Kuô̆k hô̆i Việt Nam hiăng veăng hôp mâu khu tơrŭm cheăng Kuô̆k hô̆i Lâp plâi tơnêi roh má 142 tiô tơdroăng mơ’no tơdrêng tung um tơvi. Kuô̆k hô̆i Việt Nam xua pôa Trần Thanh Mẫn, Ngế cheăng tung Khu xiâm kal kí, Kăn phŏ pơkuâ cheăng Kuô̆k hô̆i Việt Nam pro ngế xiâm pơkuâ djâ khu kăn veăng hôp tơpui tơdroăng “Tơkâ luâ pơreăng kân hâi kố mơjiâng môi tơdroăng tung la ngiâ tơniăn lĕm tâ: Hnoăng pêi pro dêi mâu kăn Kuô̆k hô̆i”.

Việt Nam veăng hôp Hô̆i đong Khu tơrŭm cheăng Kuô̆k hô̆i lâp plâi tơnêi rôh má 142

Tơpui a hneăng hôp, pôa Trần Thanh Mẫn, Kăn xiâm phŏ Kuô̆k hô̆i Việt Nam ăm ‘nâi: ƀă tơdroăng “Plâ mơdât pơreăng môi tiah plâ xâ”, Việt Nam hiăng pêi pro kơtăng, rơtế ƀă tâi tâng kuăn pơlê. Việt Nam xuân pêi pro tơpéa tơdroăng “Hlối mơdât pơreăng tơ-ƀrê hlối kring vế ivá kuăn pơlê”, hlối ‘mâi mơnhông, ƀă mơdêk plâ xâ tung cheăng kâ, rak tơniăn tung rêh ối pơlê pơla.

Gương tơplôu ƀă tơbleăng