VOV4.Sedang - Loi tơngah “Visa vaccine” vâ hbrâ tơdah tơmối kong têa tung tơdroăng ki tiah hmâ, Khu ngăn tơ’noăng ivá-Mơhno túa lĕm tro ƀă ôm hyô dế pơkâ thế Khu xiâm ngăn Ôm hyô pêi cheăng ƀă mâu tíu ki ai tơdjâk troh, khu ngăn ‘na tơdroăng ôm hyô, khu mơdró kâ mơjiâng pro kế tơmeăm vâ rak ngăn tơmối. Tiô tối hdrối sap ing nôkố troh mơ’nui khế 4, Khu kố kô tối tơbleăng ăm Ngế pro xiâm hnê ngăn tơnêi têa mâu tơdroăng ki ai tơdjâk troh.

Tiah mê, Khu xiâm ngăn Ôm hyô Việt Nam dế hriăn ngăn, hbrâ ăm rế hía rế pơkâ tíu ki vâ rah xo mâu kế tơmeăm, mâu tíu vâ xúa visa  vaccine. Laga, pro tơ’lêi hlâu tung tơdroăng tơdah tơmối tơdrêng amê hnối rak tơniăn hbrâ mơdât pơreăng.

Laga, pơkâ mơ’no tơdroăng ki lôu péa tơdah tơmối kong têa ê ôm hyô athế châ mơjiâng tiô tơdroăng, ai hneăng tíu pơkâ ƀă rak tơniăn ‘na mơdât pơreăng đi đo châ kơjo kum xiâm. Sap ing khế 4/2020 troh nôkố, Việt Nam pơtê mâu rôh kơneăng ngi kong têa ê, mê tơmối kong têa ê ki hên cho khu ki rơkê plĕng, mâu ngế cheăng ki rơkê, khu ki ‘no liăn cheăng ƀă hên ki ê mâu ngế kong têa ê pêi cheăng a mâu tơdroăng tơkêa a Việt Nam.

Nga tơplôu ƀă tơplôu tơbleăng