Êng: Koh hmât kơ ngoh Y Arôn, pro tiah lâi ngoh chiâng ngế kăn pơkuâ hnê ngăn droh rơtăm ki ivá mơ-eăm môi tiah hâi kố?

Y Arôn: Á troh [ă hnoăng cheăng Đoân droh rơtăm kố drêng á nếo hriâm râ má 3 nah. Hriâm râ má 3 klêi á lăm hriâm nếo, mê vêh a kố châ chi [o# pơlê rah xo pro kăn pơkuâ ngăn Đoân pơlê Bu Dak.

Hdrối nah á tá hâi ‘nâi khât, ôh tá khên tơnôu tâng a ngiâ pú hên, klêi kơ’nâi pêi cheăng ‘na Đoân mê á nếo khên tơnôu tâ. Á hlo môi tơdroăng môi tiah kố, tâng a ngiâ mâu vai pú droh rơtăm athế khên tơnôu mê mâu vâi pú nếo hâk [ă hmâng tiô tơdroăng ki pin tối.

Mê rế hía á hiăng rơkê ple\ng [ă mơhnhôk hên droh rơtăm, đoân viên tung pơlê troh veăng xah hêi [ă veăng tơru\m tung mâu tơdroăng cheăng dêi Đoân.

Droh rơtăm cheăm Thuận An veăng pro mơgrúa drô troăng prôk

Êng: Tiô êh, ki pá má môi tung tơdroăng mơhnhôk droh rơtăm veăng tơku\m po tơdroăng cheăng Đoân cho ki klâi?

Y Arôn: Ki pá tung tơdroăng mơhnhôk mâu vâi pú ôh tá ‘nâi ple\ng [ă ôh tá hlê nhên hnoăng cheăng dêi khu tơru\m Đoân. Mê rôh apoăng mơhnhôk châ 1 ngế veăng, la ngế ki mê rôh kơ’nâi ah djâ tơ’nôm 1 ngế nếo, [ă ngế ki mê hlo tơdroăng tơru\m Đoân ai pơxúa, sôk ro [ă hên tơdroăng tơ’noăng tiah mê droh rơtăm rơtế dêi pó veăng hên tâ [ă châ tơ-[rê tâ há.

Êng: Mơhnhôk droh rơtăm mot tung khu tơru\m cheăng Đoân hiăng pá, hnê tơdjâ, mơhnhôk mâu droh rơtăm vâ vâi hâk vâ rơtế veăng tung tơdroăng cheăng Đoân gá rế pá tâ, la êh ngoh hiăng châ tơ-[rê tá péa tơdroăng kố. Tơdroăng pơkuâ djâ ki ngoh, ki xiâm ga cho ing túa ki lâi?

Y Arôn: Drêng hiăng ai tuăn hiâm rơkê ple\ng mơhnhôk djâ mâu vâi pú droh rơtăm mê pin athế ‘nâi nhên tuăn hiâm, tơdroăng ki rơhêng vâ dêi mâu vâi pú. Ai ngế ki ‘nâ hâk vâ ‘na pơtâp ivá. Sap ing mê pin mơhnhôk [ă pơcháu ăm mâu vâi pú tơdroăng cheăng. Sap ing ai tơdroăng cheăng klâi dêi chi đoân pơlê mơhnhôk xuân tơ’lêi hlâu tâ, droh rơtăm ối veăng rơtế [ă mâu tơdroăng cheăng dêi pơlê, dêi ho#i vâi kơdrâi [ă hía hé.

Vâi rơtăm cheăm Thuận An veăng chiâ klôh mơ'no têa hbrông kum kuăn pơlê

Êng: Tiô á ‘nâi, Thuận An hdrối cho tíu ki oh tá tơniăn ai tơdroăng pơlăm pơlối, tong tơmeăm, pâk chik xuân môi tiah tơdroăng ki mâu droh rơtăm hmâng khu ‘mêi pơlông kơtâu ngi kong têa Kul. Nôkố, tơdroăng kố ôh tá ai xếo. Tiah mê hnoăng cheăng dêi Đoân tung tơdroăng mơhnhôk mâu droh rơtăm ing tơdroăng oh tá tro, vêh lăm pêi cheăng kâ, rơtế [ă pơlê pơla gá môi tiah lâi?

Y Arôn: Tâng mâu droh rơtăm ai tơmiât tơ-ê chi đoân pơlê teăm mơhnhôk, hnê tối nhên ăm mâu droh rơtăm ki mê ple\ng pôi tơmâng tiô mâu ki ‘mêi pơlông djâ pro tơdroăng oh tá tro. Nôkố pơlê pơla hiăng mơdêk, chi đoân ngin đi đo po kơmăi tung măng, tăng in mâu tơdroăng chêh tối ki ‘ló tro pơxúa ăm mâu vâi pú, djâ vêh a hngêi vâ pơchuât ngăn vâ ăm mâu vâi pú ai tơdroăng rêh ối tơniăn, hlê ple\ng tâ tơdroăng to\ng kum dêi tơnêi têa pin.

Êng: ‘Na tơdroăng pơkâ troăng hơlâ vâ pêi ăm mâu droh rơtăm mơnhông cheăng kâ, malối khu droh rơtăm kuăn ngo mê ga ti lâi?

Y Arôn:  Á cho ngế ki ối a ko mê á thế pêi ahdrối, djâ hdrối, djâ troăng le\m a hdrối pêi mâu tơdroăng cheăng mê mâu vâi pú nếo pêi [ối. Ai môi tơdroăng ki khât, hên mâu rơtăm kuăn ngo bú tơmiât vâ hlo ki tơdrêng tê, hâi tơmiât troh ton ah, bú kal ai nôkố hiăng hôm, vâi tá hâi tơmiât troh tơdroăng pêi cheăng pơxúa tung la ngiâ, pơxúa ăm xo ah hmôi.

Xuân ai hên ngế hâi hlê kih thuât ki nếo tung mơnhông mơdêk cheăng kâ, pêi chiâk deăng, môi tiah xúa phon rơvât ti lâi ăm tơtro, pêt loăng môi tiah lâi ăm ‘ló, ‘na tơdroăng pêt tơvât hdrê loăng plâi tung môi [ăng tơnêi vâ mơdêk châ xo tơ’mot kơxo# liăn tung môi [ăng tơnêi ki mê.

Tiô á, vâ mâu droh rơtăm hdroâng kuăn ngo mơ-eăm kơdroh tah hrâ mơnguâ, xăm kơtiê thế hriâm kih thuât pêi chiâk deăng, tơku\m cheăng Đoân kô djâ mâu vâi pú troh lăm ngăn hriâm túa pêi cheăng dêi mâu droh rơtăm mơngế Xuăn, ko\ng mơhno pêi, rơkong hlá hnê vâ ăm vâi hriâm [ối.

{ă mâu vâi pú thế ai hiâm mơno tơná vâ hlối, kơdo mơ-eăm há, mơ-eăm hriâm xêh, tí tăng ‘nâi ple\ng túa pêi chiâk deăng dêi mâu vâi pú ki ê, ing tơná mơ-eăm pro kro mơdro\ng, pôi tá kơnôm tơngah to mâu ki ê.

Êng: Hơnăm hiăng luâ Thuận An ai hên tơdroăng hdró rơtế [ă mâu droh rơtăm tung kong pơlê. Tiah mê, pó tơmiât vâ pê klâi ‘na tơdroăng cheăng Đoân dêi cheăm tung la ngiâ?

Y Arôn: A púi vâ tơdroăng cheăng Đoân tung cheăm thăm mơdêk ó tâ nếo ‘na mâu tơdroăng pơtâp ivá, mơnhông mơdêk cheăng kâ. Á vâ pro ăm mâu droh rơtăm thế khên tơnôu tâ tơdroăng pêi cheăng .

Á kô pơkâ mâu tơdroăng vâ pêi pro tung hơnăm la ngiâ vâ tơdroăng cheăng Đoân pêi cheăng tơ-[rê tâ, mơnhông djâ Đoân mơdêk tơ-[rê tung tâi tâng hnoăng cheăng, pơtối rak vế pêi pro mâu tơdroăng ki rơdêi dêi droh rơtăm.

Vâ rêm rôh tơbâ troh mâu droh rơtăm Thuận An vâi kô pâ troh ki hâk vâ kơhnâ, tơdroăng pêi chiâk deăng rơkê, ‘na tơdroăng tơ’noăng ivá, hơdruê xuâng đi đo rơdêi, hiâm mơno kal kí krá chân, tối tơchoâm cho mơdêk tâi tâng, rơtế môi tuăn tơmiât vâ pêi pro.

Hôm, mơnê kơ mâu tơdroăng ki ngoh hiăng tối [ă rơkâu ngoh kô pêi ai tiô tơdroăng tơná púi vâ. Rơkâu tơdroăng cheăng Đoân droh rơtăm dêi  cheăm Thuận An kô rế mơnhông mơdêk rơdêi la ngiâ.

Nam Trang chêh

Gương prế A Sa Ly tơplôu [ă tơbleăng