VOV4.Bahnar - Ƀok Nay Phi La, Kơdră chĕp pơgơ̆r Dơnŏ anĭh vei lăng jang pơgang dêh char Dak Lăk tơbăt, trŭh kơsơ̆ năr 4/6, 2 ‘nu bơngai jĭ Covid-19 đei kơsô̆ 3237 păng 3334 tơ̆ dêh char au jei pă đei ƀô̆h sơmach jĭ Sars-CoV-2 lơ̆m 3 ‘măng khăm hơlen. Kiơ̆ kơ ‘nŏh, 2 ‘nu bơngai jĭ kơsô̆ 3237 păng 3334 ‘nu 2 ‘nu bơngai jĭ đei ƀô̆h lơ̆m năr 8 păng năr 9/5.

Pơ đĭ 2 ‘nu bơngai au oei lơ̆m koeng 189/1 trong Mai Hắc Đế, phương Tân Thành, pơlei tơm Buôn Ma Thuột. ‘Nau 2 ‘nu bơngai đei ƀơm trŭh bơngai jĭ tơ̆ Đà Nẵng. Ƀar ‘nu bơngai jĭ au tŏk bŏk ming hơmet tơ̆ Hnam pơgang hơmet jĭ Hiĕn hiang păng Jĭ tơsŏh dêh char Dak Lăk. Lăp đơ̆ng rŏng 27 năr ming hơmet, jơhngơ̆m jăn kơ 2 ‘nu măr sư hlôi sơđơ̆ng păng 3 ‘măng khăm hơlen pham pă đei ƀô̆h sơmach jĭ SARS-CoV-2. Tơchĕng lăng, 2 ‘nu bơngai au gô ăn brŏk đơ̆ng hnam pơgang lơ̆m giĕng kơnh.

Tơblơ̆ nơ̆r: Amazưt