VOV4.Bahnar - Đắk Hiêu, m^nh tơ ring oei hơ dro# găh plei Liêng Keh, xăh Đắk Phơi, apu\ng Lắk adrol sơ\ j^ tơ ring ưh đei [et pơ gang bơ\ng j^ kiơ, vă akhan đ^ đăng hơ io\h tơ\ âu ưh đei [et pơ gang bơ\ng j^ ngăl. Mă lei, đơ\ng ro\ng hlo\h 5 sơ năm adrin roi tơ băt, krao hơ vơn, pơ lung kon pơ lei, oei xa kơ tă tơ\ tơ ring đơ\ng an^h jang pơ gang, truh dang ei kơ so# hơ io\h đei [et tôm pơ gang bơ\ng j^ tơ\ âu đei hlo\h 50%.

Trong đơ\ng hnam pơ gang xăh Đắk Phơi năm tơ\ Đắk Hiêu hơ tăih dang 8 km mă lei trong te\h năm to\k tơ\ kông. Lơ\m pơ yan phang gre hon đa gơ\h kơ dâu truh mă đơ\ng đei lơ tơ drong krê ră, mă lei truh pơ yan ‘mi, trong rơ bơ\r, lăp hơ dro# gre ko\ng no\ng đe\ch gơ\h năm truh, tơ dăh ưh ‘no\h athei yak jơ\ng ho\h. Thoi no\h ră mă lei vă je# 5 sơ năm ‘nâu, trong âu tôch kơ juăt hăm khul jang pơ gang xăh Đắk Phơi. Tơ\ âu đei 82 unh hnam kon pơ lei hăm 391 ‘nu bơ ngai, đ^ đăng tơ tă bơ ngai Mông đơ\ng tơ ring găh Tu mât oei ngăl, tơ drong arih xa tôch mơ mat tat.

Kiơ\ tơ drong juăt đơ\ng sơ\, mă đơ\ng năm tơ\ yơ, bơ ngai Mông oei hơ nơ\ng ‘me\h oei tơ\ kông kơ jung, choh jang [ât âu, kơ dâu oei tơ\ to kơ na tơ drong khăm hơ met j^ nhen ưh kơ đei kiơ. ‘No\h j^ tơ drong tơm mă adrol kơ sơ năm 2015, tơ ring âu ưh đei bu [et pơ gang bơ\ng j^. Jơ hngâm pran kơ đe bơ ngai me\ păng đe hơ ip\h tơ\ âu ưh kơ ‘lơ\ng kiơ. Kơ so# hơ io\h kre\, hơ ke\ hơ kong tôch lơ. Vă sek tơ lang tơ drong ‘nâu, dôm an^h jang kơ pal, khul gru\p tơ pôl, mă loi j^ an^h jang pơ gang hlôi hơ to\k tơ drong tơ roi tơ băt, pơ hlôh đon ăn kon pơ lei găh tơ drong g^t kăl đơ\ng vei lăng jơ hngâm pran, mă loi j^ [et pơ gang bơ\ng j^.

Hnam pơ gang xăh Đắk Phơi pơ jing an^h [et pơ gang bơ\ng j^ kơ tă tơ\ Đắk Hiêu, kăn [o# jang pơ gang truh krao hơ vơn rim unh hnam ba kon hơ ‘lơ\p năm [et pơ gang bơ\ng j^. Hơ nơ\ng rim khei 1 ‘măng, kăn [o# [et pơ gang bơ\ng j^ yak hlo\h 8 km trong bri kông vă [et pơ gang bơ\ng j^ ăn hơ io\h tơ\ âu. Truh dang ei, đơ\ng ro\ng vă je# 5 sơ năm adrin, đon hlôh vao đơ\ng kon pơ lei roi to\k [iơ\, kơ so# hơ io\h đei [et tôm pơ gang bơ\ng j^ truh 52%, kơ so# dro\ kăn lơ\m sơ năm rơ ne\h kon hơ ‘lơ\p đei [et vắc xin tang găn j^ gơ\ hơ kâu truh 45%.

Mo\ Đào Thị Cam đei 4 ‘nu kon. Kon mă 4 ‘nao rơ ne\h đei 20 năr. 3 ‘nu kon hơ drol kơ mo\ Cam ưh đei [et 1 jru\m pơ gang vắc xin kiơ. Mưh rơ ne\h kon mă 4, mo\ đei kăn [o# đơ\ng Hnam pơ gang xăh Đắk Phơi hơ nơ\ng năm tơ\ hnam roi tơ [ôh tôm tơ drong đei yoa đơ\ng [et bơ\ng j^ kơ na năr ‘nâu, mưh kơ tơ\ng đei khul [et pơ gang bơ\ng j^ truh, mo\ Cam ‘m^n kon ‘nao rơ ne\h năm [et pơ gang vắc xin tang găn j^ lao. Mo\ Đào Thị Cam tơ roi: “Inh đei 4 ‘nu kon, đ^ đăng 4 ‘nu tam đei [et pơ gang bơ\ng j^ lai yơ. Năr ‘nâu inh ‘nao năm ba kon [et jru\m mă blu\ng.”

M^nh 1 ‘nu bơ ngai nai ‘no\h j^ unh hnam mo\ Thào Thị Thổ. Kon dro\ ‘nglo kơ dră mo\ Thổ đ^ hlo\h 2 sơ năm bơih mă lei tam mă lai yơ mo\ ba năm [et pơ gang bơ\ng j^. Kơ lih yoa klo sư hli kon yuh kơ na ưh ăn năm [et. Năr ‘nâu, [ât đe pơ gơ\r [et bơ\ng j^ tơ\ pơ lei, tơ ge\ch [ât klo sư hru\l, mo\ Thổ ‘m^n kon mă 2 sơ ‘nao 1 khei năm [et jru\m mă mônh ăn kon. Mo\ Thào Thị Thổ tơ roi: “Sơ năm ‘nâu o\h 19 sơ năm. O|h đei 2 ‘nu kon bơih. Kon o\h tam đei [et pơ gang lai yơ yoa klo oh ưh ăn năm [et. Năr ‘nâu klo inh hru\l kơ na o\h tơ ge\ch ba kon năm [et pơ gang bơ\ng j^.”

Kiơ\ [ak si Phạm Thế Thắng, Kơ dră vei lăng Hnam pơ gang xăh Đắk Phơi, Đắk Hiêu dang ei tam đei pơ jing pơ lei kơ dih kơ na tam đei bơ ngai jang pơ gang tơ\ noh, kon pơ lei tơ\ âu ưh đei hlôh vao lơ, lơ tơ drong juăt ưh kơ ‘lơ\ng oei che\p vei, hlo\h 50% kon pơ lei ưh kơ băt nơ\r yoăn kơ na tơ drong roi tơ băt, krao hơ vơn kon pơ lei năm tơ\ hnam pơ gang pơ ma atu\m, ba đe hơ io\h năm [et pơ gang bơ\ng j^ pơ ma adro# tơ [âp lơ mơ mat tat.

{ak si CKI Phạm Thế Thắng ăn tơ băt: “Đơ\ng âu truh tơ\ hnam pơ gang xăh tôch hơ tăih kơ na kơ so# bơ ngai chơ ba kon hơ ‘lơ\p năm tơ\ hnam pơ gang [et pơ gang bơ\ng j^ lăp to\ se\t đe\ch. Hnam pơ gang hlôi tơ le\ch lơ trong jang. Rim khei, kăn [o# đơ\ng hnam pơ gang jur tơ\ âu vă [et pơ gang bơ\ng j^. Hrei ‘nâu, kơ so# hơ io\h [et tôm pơ gang bơ\ng j^ tam mă lơ. Hăm vắc xin 1 jru\m ‘no\h lơ [iơ\, pơ tih gia nhen j^ lao, gro\nh hlôi io\k đei truh 80%. Kơ so# to\ se\t hlo\h j^ jru\m mă 3, pơ tih gia vắc xin 5 lơ\m 1 đei 3 jru\m kơ na [et đa ưh kơ tôm.”

Mă đơ\ng trong hơ tăih hơ to\, yak mơ mat tat mă lei tơ drong [et bơ\ng j^ đei Hnam pơ gang xăh Đắk Phơi bơ\ jang kiơ\ tơ drong hơ găt đơ\ng An^h tơm vei lăng jang pơ gang. Hơ io\h păng dro\ kăn hơ năp truh [et bơ\ng đei roi tơ [ôh, khăm hơ len jơ hngâm pran, đơ\ng ro\ng kơ [et athei oei dơ\ng tơ\ hnam pơ gang dang 1 puăt jơ vă vei lăng sơ đơ\ng ăn bơ ngai [et, mă loi kăn [o# jang pơ gang hơ nơ\ng tơ tă mưh đei tơ drong kiơ hl^ch đơ\ng ro\ng kơ [et pơ gang tơ\ đe hơ io\h vă me\ [ă băt, da [iơ\ kơ pơ ngơ\t.

Mă đơ\ng tơ drong [et pơ gang bơ\ng j^ tơ\ tơ ring Đắk Hiêu oei tơ plih ‘lơ\ng mă lei tơ drong nol tih hlo\h hrei ‘nâu j^ kơ so# kon pơ lei mât oei kư\ kă tơ\ Đắk Hiêu oei to\k hơ nơ\ng rim năr, pơm ăn tơ drong vei lăng bơ ngai [et bơ\ng j^ tơ [âp lơ mơ mat tat. Tơ\ hơ năp kơnh, ku\m hăm tơ drong adrin đơ\ng an^h jang pơ gang, khul kơ dră tơ ring athei đei trong jang mă kơ tang [iơ\ lơ\m tơ drong vei lăng bơ ngai mât oei kư\ kă, jăh io\k dơ\ng bơ ngai jang tơ gu\m găh pơ gang vă vei lăng jơ hngâm pran blu\ng a pơ ma atu\m, vei lăng tơ drong [et pơ gang bơ\ng j^ pơ ma adro# ăn kon pơ lei tơ\ âu, hơ met pơ ‘lơ\ng, vang tơ gop pơm hơ to\k jơ hngâm pran, tơ drong arih xa ăn kon pơ lei.

Dơ\ng: Tơ blơ\