VOV4.Bahnar - Pleiku, dêh char Gia Lai jing plei tơm kơ tơdrong hrơ hrau joh ayo\, cham char. Lơ\m tơring kơ plei tơm đei truh 40 pơlei kơ bơngai Jrai. Lơ\m noh đei dôm pơlei tơ\ jih tơring kơdra#m, phơ pho\ oei kơtă lơ\m plei tơm nhen: Pleiku Roh, Plei Ốp, Plei Kép, làng Nhao... Kon pơlei duh oei răk vei jơva ch^ng chêng, pơjing đei dôm tơdra phara kơdih kơ tơring kơdra#m groi kông, đei tơmoi ataih je# băt truh.

Pleiku, dêh char Gia Lai j^ tơring kơdra#m groi kông, đak glung păng anih hang hơ\ng kông unh hăm tơring tơm jang [a. Rim pơlei Jrai pơjing um ai kăp g^t ăn Pleiku, hu\i đei tơring yơ ke\ đei.  

Hrei âu, tơ\ ‘nguaih anih tơm hlôi [enh kơ anih te\ch tơmam et xa [enh kơ um ai kăp g^t Tây Nguyên, lơ\m noh tơmam xa ‘lơ\ng hloh noh ier [uh, por prung, tơdrô ge... đ^ đăng noh kơyua bơngai kon kông tơ\ tơring âu kơdih chă pai pơwih păng te\ch tơle\ch. Jăh vă akhan, dôm tơmam te\ch âu hlôi pôk pơ ư um ai joh ayo\ tơmam et xa juăt jue kơ tơring teh Tây Nguyên, pơm ăn tơmoi băt truh tơring Pleiku lơ hloh.

Ataih hloh, tơ\ dôm pơlei pơla ăh jih tơring kơdra#m, lơ tơdrong et xoi juăt jue adoi oei đei răk vei, hơto\k pơ ‘lơ\ng. Dăr xơnăm yăm kơ khei, rim ‘măng kơmăng jur, nhen le\ Pleiku rơ ông rơ ang kơ dôm tơdra pơre đơ\ng tơring teh ăh kueng kơdra#m ang bang. Lơ\m kơmăng, jơva ch^ng chêng găn kông unh, tơhlu kiơ\ kial găh hle\ch păr ja#p jang tơring kơdra#m.

Adrol ki, Pleiku oei ie\ ioch, oei [enh bri kơdrơ\ng, tơdrong pơchơt hiôk hloh kơ dôm bơngai đei hnam oei ăh hơtuch jăl trong Tô Vĩnh Diện noh ăh kơmăng rang khei jur tơ\ jơ\ng krang, tơmang lăng pơkao ru\ng reng chôh ang ăh jơ\ng kông unh jru\ hơhu\t păng tơmơ\ng jơva ch^ng chêng đơ\ng pơlei Ốp ăh tơring thu\ng ang jơva. Dôm tơdra ăh pơyan et xa ph^ tơto\ adoi pơm ăn Pleiku tơlăr tơnap kơ tep pơdei.

Kơmăng kơmơ\t, rim tơdra noh roi ang bang hlăng hơdjă, roi nhen đe hơpo. Tơmơ\ng dôm tơdra pơre noh lơ\m kơmăng rang khei roi pơm ăn kơ đe mơn rơnguơ\ rơngei. Tơdrong pơre ch^ng chêng noh [ônh pơm ăn kơ đe kơkar, mă lei jơva pơre noh ang bang truh tơring kơdra#m pơm ăn kơ đe mơn hyơ hiơ\r phara kơ bôl.

Hlôi đei nơ\r pơđơ\k chih hơ ‘nguơ\u kơ tơdra ch^ng chêng tơ\ tơring jih tơring Pleiku noh: “Nuôk nuôk ăh kơmăng tơring jih ưh tep/Jơva ch^ng chêng tơlăr hơvơih dih băl hơnơ\ng”. Noh j^ jơva ch^ng chêng ang bang khei năr xơ\, rim kơmăng pơre truh tơring kơdra#m. Hăp nhen le\ đơ\ng tơring teh kră xơ\, nhen kơ đe tep hơpo vang vơch.

Hrei âu, Pleiku hrôt hrat, rơ ông rơ ang hloh. Đơ\ng rim năr pơkleng pơklăp noh hơpơi đei tơdrong rơnguơ\ rơngei, hơpơi đei jơva ch^ng chêng păr ang ja#p tơring klu\ng, tơring kông unh ăh khei năr rơnguă rơngueng xơ\, păr juang ja#p tơring kơdra#m hrei âu. Hơpơi ăn rim tơdra kơ pơlei pơla pơlung tơring kơdra#m tep hơpo  kơmăng xơnêp xơnoa. Hăp pơm ăn Pleiku jing tơguăt tơje# axo\m dih băl kơ tơring bri kông kơdrơ\ng.

Lan chih păng rapor