VOV4.Bahnar - Hăm tơdrong tơpoh hli hlơt đơ\ng pơrang j^ trong dui jơhngơ\m hlăm yuơ virus Corona pơm j^, anih jang Pơtho pơhrăm dêh char Đak Lăk hlôi tơchơ\t ăn ho\k tro pơdơh ho\k lơ\m 1 gie\ng păng pơgơ\r rim hnam trưng ho\k tơle\ch trong jang tơroi pơtho găh tang găn pơrang. Atu\m hăm noh jang kơjăp hăm anih jang y te# tơ\ tơring chă pruih pơgang brai pơnhu\l tơ\ hnam trưng, lăm ho\k păng hơlen vei jơhngơ\m jăn ăn ho\k tro, bơngai pơtho.

Jo# đơ\ng năr đei pơdơh ho\k vă tang găn pơrang j^ trong dui jơhngơ\m yuơ virus Corona (nCoV) pơm j^, oh Vũ Yến Nhi, ho\k lăm 7, tơ\ hnam trưng jăl Tiểu học, Trung học Cơ sở, Trung học Phổ thông Hoàng Việt duh oei ho\k [ai păng bơ\ [ai hơnơ\ng. Pha noh oh ho\k kiơ\ pơkăp online.

Oh Nhi ăn tơbăt, mă athei pơdơh ho\k, mă lei kơdih po oh ưh đei pơngơ\t kiơ găh [ai ho\k kơlih rim năr oh adoi đei io\k [ai pơtho đơ\ng thây kô kiơ\ pơkăp facebook dăh mă zalo kơ lăm ho\k: “Gơnơm hnam trưng chă tơroi tơbăt noh duh băt hơdăh găh tơdrong hli hlơt đơ\ng virus nCoV, noh ăh hnam trưng ăn pơdơh ho\k, khul nhôn adoi drơ\ng nơ\r. Ăh nhôn pơdơh ho\k, đei hnam trưng păng bơngai pơtho pơjao ăn lơ [ai ho\k tơ\ hnam vă hơmo\ tơdrong ho\k, pơdơh ho\k răh păng ho\k hơlen răh [ai ho\k xo.”

Drơ\ng nơ\r hăm tơdrong axong ho\k tro pơdơh ho\k lơ\m khei năr âu, pơmai Phạm Thị Thanh Nga, pơtho tơ\ hnam trưng THCS Phan Chu Trinh plei tơm Buôn Ma Thuột, me\ kơ 2 ‘nu kon ho\k jăl tiểu học akhan, noh jing tơchơ\t tro\ [lep vă vei xơđơ\ng hloh ăn jơhngơ\m jăn đe kon mon duh nhen tơgu\m ăn rim hnam trưng đei jơ ‘năr jang tơnăp tơdrong tang găn pơrang: “Hăm tơdrong hli hlơt đơ\ng pơrang j^ trong dui jơhngơ\m yuơ virus Corona pơm j^, noh tơdrong mă ho\k tro pơdơh ho\k minh gie\ng dăh mă minh giư\ng dơ\ng noh tơdrong kăl hloh, kơlih dang ei noh khei năr tơm kơ pơrang j^ tơpoh. Lơ\m khei năr pơdơh ho\k noh kang [o#, bơngai pơtho, bơngai jang, jang atu\m hăm kang [o# y te# tơ\ tơring chă pruih pơgang brai pơnhu\l, pơ ‘nguaih hnam trưng lăm ho\k vă xơđơ\ng hloh [ơ\t đe ho\k tro vih ho\k hơlơ\k kơnh.”

Pơmai Trịnh Thị Hồng Hạnh oei tơ\ phường Tân An, plei tơm Buôn Ma Thuột kơche\ng thoi noh mơ\n: “Lơ\m khei năr pơrang tơpoh hli hlơt thoi âu noh inh lăp kơ đon hăm tơdrong ăn đe kon oei tơ\ hnam chă ho\k hơlen kơdih păng ưh đei chă mơ\t le\ch tơ\ ‘nguaih. Kơdih inh đei 2 ‘nu kon ho\k jăl tiểu học, tơdrong axong đe mon pơdơh đunh năr thoi âu noh unh hnam duh athei axong jơ ăn đe mon xo\ng xa ho\k pơhrăm tơ\ hnam. Chă ho\k tơ\ hnam duh đei hnam trưng hơlen, adrol kơ pơdơh ho\k đe thây kô gơih [ai ho\k kiơ\ pơkăp zalo, facebook păng lơ\m tơdrong ho\k noh đe mon hơnơ\ng đei bơngai pơtho chă hơlen hadoi.”

Kiơ\ kơ [ok Trần Đức Huyên, Kơdră Hnam trưng jăl Tiểu học, Trung học Cơ sở, Trung học Phổ thông Hoàng Việt, đơ\ng ro\ng kơ ăn ho\k tro pơdơh ho\k vă tang găn j^ virus corona, hnam trưng hlôi io\k yua tơdrong pơtho ho\k online ăn ho\k tro. Hơdăh noh, Khul kơpal kơ hnam trưng pơkăl bơngai pơtho chih ako\m [ai pơtho păng kuay clip [ai pơtho đang kơ noh hơto\k tơ\ E Learning vă ho\k tro gơh chă ho\k. Atu\m hăm noh pơkăl bơngai pơgơ\r lăm kiơ\ kơ tơdrong đei [ôh lơ\m tơpôl duh nhen tơdrong ho\k kơ đe ho\k tro vă axong [ai ho\k tơ\ hnam pơtoi kiơ\ group atu\m kơ lăm ho\k: “Hnam trưng hlôi pơgơ\r đe thây kô pơm kiơ\ [lep nhen pơkăp Elearning, tơtă ăn ho\k tro bơ\ [ai mă yơ, ho\k truh [ai mă yơ noh gơih ăn đe thây kô kiơ\ pơkăp online. Dang ei rim thây kô kiơ\ kơ tơdrong ho\k kơ ho\k tro po noh gô gơih ăn đe oh păng pơkăl đe oh gơih [ai ăn thây kô cha#m hơlen. Rim lăm adoi đei minh gru\p zalo, bơngai pơgơ\r lăm noh hơlen atu\m lăm mă noh, bơngai pơtho kiơ\ môn noh đei gru\p zalo kơ lăm po.”

{ok Phạm Đăng Khoa, Kơdră Anih Pơtho Pơhrăm dêh char Đak Lăk ăn tơbăt, lơ\m khei năr ăn ho\k tro pơdơh ho\k, Anih jang hlôi pơkăl tôm hnam trưng athei pruih pơgang brai pơnhu\l lơ\m hnam trưng. Atu\m hăm noh pơkăl rim hnam trưng athei chih ako\m kơtơ\ng ang găh pơrang j^; hơlen jơhngơ\m jăn khul kang [o#, bơngai pơtho, bơngai jang: jang atu\m hăm unh hnam ho\k tro vă tom băt hơdăh tơdrong [ơm j^, vă jang hadoi hăm anih jang y te# chă khăm hơmet j^ păng hơlen dơ\t pơrang j^. Đơ\ng ro\ng kơ pơdơh ho\k, rim hnam trưng athei chih pơkăp tơdrong pơtho [u mă [lep, vei xơđơ\ng kiơ\ pơkăp pơtho ho\k pơhrăm kơ xơnăm 2019-2020. Duh kiơ\ kơ [ok Phạm Đăng Khoa, Anih Pơtho pơhrăm gô tơle\ch xek hơlen tơnăp hăm dôm hnam trưng pơm pơhơi lơ\m tơdrong tang găn pơrang j^: “Dang ei noh ho\k tro pơdơh truh đ^ năr 9/2/2020, đơ\ng ro\ng noh nhôn gô pơtoi jang kiơ\ pơgơ\r pơtoi đơ\ng Khul kơpal kơ teh đak, đơ\ng Anih tơm Pơtho Pơhrăm păng Anih vei lăng kon pơlei dêh char. Adrol kơ đe ho\k tro năm ho\k hơlơ\k dơ\ng noh pơkăl rim hnam trưng minh ‘măng dơ\ng pruih pơgang brai pơnhu\l păng pơ ‘nguaih hnam yô chơgaih mă rơgoh đei kơ[o\ng ôp ti păng axong đak nhă rơgoh. Mưh kơdră hnam trưng yơ pơhơi găh tơdrong jang tang găn păng păng hơmet j^ virus Corona âu noh nhôn gô đei trong xek tơlang kơtang, ưh đei le# pơrang tơpoh lang xă lơ\m tơring, mă kăl noh lơ\m rim hnam trưng”.

Lan chih păng rapor