VOV4.Bahnar  – Năr 24/5, tơ̆ Hà Nội, Ƀĭ thư Trung ương Đảng, Kơdră Anih jang Trung ương Măt trâ̆n tôh kuôk Việt Nam Đỗ Văn Chiến hlôi tang măt pơjao kơsô̆ jên hloh 54 tih hlj đơ̆ng jên akŏm tơgŭm tang găn păng tơjră pơrang jĭ COVID-19 ăn Anih tơm linh vei xơđơ̆ng tơpôl teh đak. Kơdră Anih jangTrung ương Măt trâ̆n tôh kuôk Việt Nam Đỗ Văn Chiến tang măt ăn kon pơlei jâ̆p teh đak pơtruh nơ̆r hmach bơnê kăp gĭt hăm đe kơdră kơpal Anih tơm linh Trung ương, Anih tơm linh vei xơđơ̆ng teh đak atŭm hăm đe kang ƀô̆ linh, mă hăt noh đe linh hlôi vang jang hăt hot, đei jơnei lơ̆m tơdrong jang tang găn păng tơjră pơrang jĭ COVID-19 lơ̆m khei năr âu ki vă vei xơđơ̆ng jơhngơ̆m jăn ăn kon pơlei, vei xơđơ̆ng tơpôl ăn teh đak.

Lan chih păng pơre nơ̆r