VOV4.Bahnar - Tơ̆ hop akŏm trư̆k tuyê̆n đơ̆ng Anih tơm vei lăng jang pơ gang hăm dôm tơ ring găh tơ drong pơ gơ̆r ƀet vaccine tang găn jĭ COVID-19 kơ sơ̆ 17/11, Phŏ Kơ dră tơm vei lăng jang pơ gang Đỗ Xuân Tuyên ăn tơ băt, dang ei lơ tơ ring pơ gơ̆r ƀet vaccine tang găn jĭ COVID-19 oei hiơ̆, chih tơ mât lơ̆m kơ măy ưh kơ tôm, pơm kơ nê̆ truh tơ drong tang găn jĭ atŭm lơ̆m tĕh đak. 

Dang ei lơ̆m tĕh đak hlôi klăih song vă jê̆ 130 triu kơ liêu vaccine tang găn jĭ COVID-19, lơ̆m nŏh tơ ring Pơ băh đei klăih song lơ hlŏh hăm dang 60 triu kơ liêu, tơ ring găh Tu vă jê̆ 49 triu kơ liêu, tơ ring Tŏk bŏk hlŏh 14 triu kơ liêu păng Tây Nguyên hlŏh 4,7 triu kơ liêu. Jơ̆p lơ̆m tĕh đak đĭ ƀet hlŏh 102 triu kơ liêu vaccine tang găn jĭ COVID-19 bơih.

Dơ̆ng: Tơ blơ̆