VOV4.Bahnar – GS – TS Nguyễn Thanh Long – Ƀô̆ trưởng Anih tơm Y tê̆ 'nao tơjrâ̆m pơma đam hăm khul kơpal kơ dôm hnam pơgang, anih jang y tê̆ tơ 'ngla lơ̆m plei tơm Hồ Chí Minh găh tơdrong jang tang găn păng tơjră pơrang jĭ Covid-19.

Ƀô̆ trưởng hăt hot pơkăl rim kơdră kơ dôm hnam pơgang, anih jang y tê̆ tơ 'ngla pơm tơm pơtoi atŭm jơhngơ̆m vang glơng atŭm hăm plei tơm lơ̆m tơdrong jang tang găn păng tơjră  pơrang jĭ, mă kăl noh lơ̆m tơdrong hơmet jĭ, vei lăng jơhngơ̆m jăn ăn bơngai ƀơm jĭ Covid-19 vă plei tơm yak hloh khei năr tơnap tap âu. Ƀô̆ trưởng 'meh vă rim hnam pơgang, anih jang y tê̆ tơ 'ngla pơm tơm dăh chih măt hăm Anih jang Y tê̆ plei tơm Hồ Chí Minh kơsô̆ giơng 'măn vei hơlen jơhngơ̆m jăn păng kơsô̆ giơng ƀĭch vă hơmet jĭ ăn bơngai ƀơm Covid-19. Hăm kơsô̆ giơng chih măt kơ anih jang y tê̆ tơ 'ngla pơm tơm, plei tơm gô đei lơ kơsô̆ giơng 'măn hơmet jĭ ăn bơngai ƀơm Covid-19 păng gô pơkăp pơtruh bơngai jĭ.

Lan chih păng pơre nơ̆r