VOV4.Bahnar - Đơ\ng đunh xơ\, bơngai kon kông tơ\ Tây Nguyên pơma atu\m, tơ\ dêh char Kon Tum pơma adro# hơnơ\ng lăng xik tơm jing đak et ưh gơh kơ[ah lơ\m ako\m et xa păng lơ\m đei tơmoi truh ngôi tơ\ hnam. Xik tơm đei bơ\ đơ\ng lơ tơmam phara băl, mă lei tơyông brê jing phe pai xik tơm [âu phu ‘lơ\ng hloh.

Mă tơ\ xăh Đăk Ruồng, apu\ng Kon Braih, dêh char Kon Tum, đei lơ bơngai kon kông pai xik tơm, mă lei [ơ\t tơroi truh xik tơm, đe hơnơ\ng tơroi truh hơnăn xik tơm kơ yă Y Gar tơ\ thôn 12 (Kon Sờ Lạc 2). Yuơ thoi noh, ăh chih ako\m Tơdrong jang Rim xăh minh tơmam drăm, Anih vei lăng kon pơlei xăh Đăk Ruồng kơche\ng truh xik tơm yă Y Gar.

{ok A Phương (klo yă Y Gar) ăn tơbăt, vă tơgu\m hơkăn pai xik tơm, [ok hơnơ\ng năm tơ\ mir koh ‘long h’nham vă ‘lek io\k kơđoh, peh hăm hơmre\ păng lu\k lơ\k hăm pu\k phe, rơva jing kơto\l, uh vă hăp jing ppuih đang kơ noh xơ\k hrăng.

Ăh pai xik tơm, io\k [uih âu tơpe\t dăh mă peh he\ch lu\k lơ\k hăm por tơyông brê, dăh mă por hmă... le# dang mơj^t năr noh đei tơdrô tơyông brê, dăh mă tơdrô phe. Kơđoh ‘long h’nham tơ\ yơ duh gơh bơ\ [uih. Mă lei, kiơ\ kơ rim tơring teh mă kơđoh ‘long h’nham [âu phu ‘lơ\ng phara băl. Tơ\ xăh Đăk Ruồng, kơđoh ‘long âu tơ\ pơlei Kon Sờ Lạc 2 bơ\ [uih pai xik tơm ‘lơ\ng hloh. Lơ\m pơlei Kon Sờ Lạc 2, kơđoh ‘long âu hon tơ\ mir noh bơ\ [uih pai xik ‘lơ\ng hloh. Kơđoh ‘long h’nham tơ\ bri duh gơh bơ\ [uih pai xik mă lei ưh kơ ‘lơ\ng hơto\ ôh.

Vă io\k đei kơđoh ‘long h’nham bơ\ [uih pai xik tơm, [ok A Phương duh nhen lơ bơngai lơ\m pơlei hơnơ\ng rơih io\k tơm đei xơdrai ie\ hơto\ hăm hơ nglâu jơ\ng ti yo\ng. Kơđoh ‘long h’nham ăh xơdrai tơm dang âu noh đei lơ kơtăk, rơmuơ\n, [ônh peh he\ch. Ăh bơ\ [uih, unh hnam [ok duh nhen lơ kon pơlei tơ\ âu hơnơ\ng io\k hla prit hơdrih ‘măn ăh kơđum, ‘măn kơto\l [uih tơ\ kơpal đang kơ noh klu\ hăm hla prit.

Kơto\l [uih [ơm hơyuh noh jing [uih. Hơnơ\ng ăh khei phang, bơ\ [uih pơhlom 1 năr 1 măng noh đei [uih ‘lơ\ng bơih. Pơyan tơngie\t noh uh [uih đunh hloh, pơhlom 2 năr 2 măng noh mă gơh jing [uih. Ăh kơto\l [uih jing đang noh ‘nhăk xơ\k pơhrăng păng răk ‘măn pai xik tơm.

Lơ\m dôm kơloăi tơdrô ge, tơdrô pai đơ\ng por tơyông brê noh ‘lơ\ng hloh. Duh pai xik tơm, mă lei kiơ\ kơ bơngai pai noh hăp [âu phu ‘lơ\ng phara băl mơ\n. ‘Meh đei tơdrô [âu phu, kơdraih thoi yơ noh tuơ kơ [uih đe uh dang yơ... Tơdrong hlôh vao pai xik tơm đơ\ng yă Y Gar noh kiơ\ kơ tơdrong kăl đơ\ng bơngai et mă đei trong pai phara băl. Mưh tơdrô ‘măn ăn drăkăn et noh tăh to\ xe\t [uih vă tơdrô gơh ‘ngam; mưh tơdrô ‘măn ăn drănglo et noh athei tăh lơ [uih vă xik gơh ‘ngam tăng păng kơdraih hloh.

Ưh kơx^ hiôk mă yă Y Gar pai xik tơm đei bơngai lơ\m pơlei păng kon pơlei tơ\ âu bơnê xik tơm ‘lơ\ng hloh lơ\m tơring. Jing bơngai pai xik tơm mă đe ư ang, xơ\ noh jang kô pơtho, yă Y Gar hơnơ\ng chă năm hơlen tơ\ lơ tơring, chă et lơ kơloăi tơdrô ge phara băl. Atu\m hăm noh tơdrong juăt pai xik tơm lơ\m lơ xơnăm, yă ako\m đei tơdrong vao vă pơjing kơdih hơnăn xik tơm kăp g^t ăn kơ po, ưh đei nhen đe nai păng gơh pai xik tơm kiơ\ tơdrong lăp đơ\ng bơngai et xa.

Yă Y Gar tơroi, rim bơngai ăh uh xik tơm noh hơnơ\ng lu\k lơ\k hăm hơnuh [a. Tơdrong mă âu ‘lơ\ng mơ\n mă lei duh đei tơdrong ưh kơ ‘lơ\ng. Tơdrong lu\k lơ\k hăm hơnuh [a lơ\m xik tơm ăh bơ\n et noh hăp gô đei anih rơhơi păng hăp gô trep le# đak xik, ưh gan tơhlăk kơdroh xik, mă lei ăh et noh hăp hơnơ\ng pơm pơkoih dăng hơlo\ng yuơ pu\k kơđoh hơnuh [a. Oei yă pai xik tơm ưh đei lu\k lơ\k hăm hơnuh [a, noh et xik yă pai ưh đei [ơm tơdrong mă âu.

Vă tang găn tơdrong ưh kơ ‘lơ\ng âu, [ok A Phương – klo yă Y Gar đei kih thuơ\t adro# lơ\m pai tơdrô ge. Xik tơm kơ [ok A Phương noh kuer pơlôh ie\ ăh je# anih to\t đing tơ\ ge. Pơlôh ie\ âu noh hăp hlo\ng kơdroh, ăh trep đak tơdrô adoi [ônh hloh.

Adrol ki, yă duh nhen bơngai nai lơ\m tơring, hơnơ\ng pơtăm [a tơyông brê tơ\ mir ‘nao muih. Mă lei yuơ teh choh jang ‘nao pă đei oei, lơ\m lơ xơnăm kơ âu, yă hơnơ\ng ‘măn 2 sao na vă rei pơtăm tơyông brê ‘măn pai xik tơm.

Pơjing đei hơnăn kơdih, mă lei yă Y Gar ưh kơx^ mă noh mă te\ch kơjă kăp hloh pơtêng hăm kơjă te\ch lơ\m tơring. Pai xik ‘lơ\ng [âu phu, mă lei đei bơngai ‘meh răt, noh yă pơtơm pai tơdrô ge hăm tơyông brê. Mă lơ bơngai răt noh đơ\ng bôl boăl, kon pơlei lơ\m tơring păng đe juăt tơ\ plei tơm Đà Nẵng, Bình Định, plei tơm Hồ Chí Minh...

Lan chih păng rapor